കെപിസിസി അധ്യക്ഷനായി കെ.സുധാകരന് ചുമതലയേറ്റു.
കെപിസിസി പ്രസിഡന്റായി കെ.സുധാകരന് ചുമതലയേറ്റെടുത്തു. മുതിര്‍ന്ന നേതാക്കളുടേയും എഐസിസി പ്രതിനിധികളുടേയും സാന്നിധ്യത്തിലാണ് കെ.സുധാകരന് ചുമതലയേറ്റെടുത്തത്. സ്ഥാനമേറ്റെടുക്കല്‍ ചടങ്ങിന് സാക്ഷിയാവാന്‍ നിരവധി കോണ്‍?ഗ്രസ് പ്രവര്‍ത്തകരാണ് കെപിസിസി ആസ്ഥാനമായ ഇന്ദിരാഭവനിലെത്തിയത്.ഇന്ന് രാവിലെ കിഴക്കേക്കോട്ടയിലെ ഗാന്ധി പ്രതിമയില്‍ ഹാരാര്‍പ്പണം നടത്തിയ സുധാകരന് തുടര്‍ന്ന് പാളയം രക്തസാക്ഷി മണ്ഡപത്തിലെത്തി പുഷ്പാര്‍ച്ചനയും നടത്തി. ശേഷം ശാസ്തമം?ഗലത്തെ കെപിസിസി ആസ്ഥാനത്ത് എത്തിയ സുധാകരന് സേവാദള്‍ വോളന്റിയര്‍മാര്‍ ഗാര്‍ഡ് ഓഫ് ഓണര്‍ നല്‍കി. കെപിസിസി ഓഫീസിലെത്തിയ സുധാകരനെ മുന്‍മുഖ്യമന്ത്രി ഉമ്മന്‍ചാണ്ടിയും സ്ഥാനമൊഴിയുന്ന കെപിസിസി അധ്യക്ഷന്‍ മുല്ലപ്പള്ളി രാമചന്ദ്രനും ചേര്‍ന്ന് സ്വീകരിച്ചു.
മുന്‍പ്രതിപക്ഷനേതാവ് രമേശ് ചെന്നിത്തലയും ഇതിനിടെ ഇന്ദിരാഭവനിലെത്തി. കെസി ജോസഫ്, എംഎം ഹസ്സന്‍, കെ.ബാബു, കെപി അനില്‍ കുമാര്‍, റിജില്‍ മാക്കുറ്റി, വിഎസ് ശിവകുമാര്‍, എന്നിവര്‍ കെപിസിസിയിലെത്തിയിരുന്നു. എഐസിസി പ്രതിനിധികളായ അന്‍വര്‍ താരീഖ് അടക്കമുള്ള നേതാക്കളും സ്ഥാനമേറ്റെടുക്കല്‍ ചടങ്ങിന് സാക്ഷ്യം വഹിക്കാന്‍ എത്തിയിരുന്നു. സുധാകരനൊപ്പം കെപിസിസി വര്‍ക്കിം?ഗ് പ്രസിഡന്റുമാരായി ടി.സിദ്ധീഖ്, കൊടിക്കുന്നില്‍ സുരേഷ്, പിടി തോമസ് എന്നിവരും ചുമതലയേറ്റു. സ്ഥാനമേറ്റെടുത്ത പുതിയ കെപിസിസി അധ്യക്ഷനും സ്ഥാനമൊഴിയുന്ന മുല്ലപ്പള്ളി രാമചന്ദ്രനും സംസാരിക്കും.
