കിരണ് കുമാറിന് 10 വര്ഷം തടവ് ശിക്ഷ
കൊല്ലം നിലമേല് സ്വദേശിനി വിസ്മയ സ്ത്രീധന പീഡനത്തെ തുടര്ന്ന് ആത്മഹത്യ ചെയ്ത കേസില് കുറ്റക്കാരനെന്ന് തെളിഞ്ഞ ഭര്ത്താവ് കിരണ് കുമാറിന് കോടതി 10 വര്ഷം തടവ് ശിക്ഷ വിധിച്ചു.
ഇന്ത്യന് ശിക്ഷാ നിയമത്തിലെ സ്ത്രീധന മരണം, ആത്മഹത്യാ പ്രേരണ, സ്ത്രീധന പീഡനം എന്നീ കുറ്റങ്ങള് പ്രകാരവും സ്ത്രീധന നിരോധന നിയമത്തിലെ വകുപ്പുകള് പ്രകാരവുമാണു ശാസ്താംകോട്ട പോരുവഴി അമ്പലത്തുംഭാഗം ശാസ്താനട ചന്ദ്രാലയത്തില് കിരണ്കുമാര് (31) കുറ്റക്കാരനാണെന്ന് ഒന്നാം അഡീഷനല് സെഷന്സ് ജഡ്ജി കെ.എന്.സുജിത്ത് വിധിച്ചത്.സ്ത്രീധന മരണം വകുപ്പു പ്രകാരമാണു ശിക്ഷ. പന്ത്രണ്ടര ലക്ഷം രൂപ പിഴയും അടയ്ക്കണം. മൂന്ന് വകുപ്പുകളിലായി 18 വര്ഷം ശിക്ഷയാണ് കോടതി വിധിച്ചത്. ഐപിസി 304 പ്രകാരം 10 വര്ഷവും, 306 അനുസരിച്ച് ആറുവര്ഷവും, 498 അനുസരിച്ച് രണ്ടുവര്ഷവുമാണ് കോടതി ശിക്ഷ വിധിച്ചത്. ശിക്ഷ ഒരുമിച്ച് അനുഭവിച്ചാല് മതി.