കാസര്കോട് അമ്മയേയും മകളേയും കിണറ്റില് മരിച്ച നിലയില് കണ്ടെത്തി
കാസര്കോഡ്: ഉദുമയില് അമ്മയേയും മകളേയും കിണറ്റില് മരിച്ച നിലയില് കണ്ടെത്തി.ഉദുമ സ്വദേശി റുബീന (30) മകള് അനാന മറിയ (5)എന്നിവരാണ് മരിച്ചത്.ആത്മഹത്യയാണെന്നാണ് പ്രാഥമിക നിഗമനം. ഇന്ന് പുലര്ച്ചെ മുതല് ഇവരെ കാണാതായിരുന്നു. കളനാട് അരമങ്ങാനം അമരാവതി താജുദ്ദീന്റെ ഭാര്യയാണ് റുബീന. അഞ്ചുവയസ്സുള്ള മകളുമായി കിണറ്റില് ചാടിയതാകാമെന്ന നിഗമനത്തിലാണ്. ഇവരെ കാണാതായതിനെ തുടര്ന്ന് വീടിനടുത്തുള്ള കിണറിന് സമീപം ചെരിപ്പുകള് കണ്ടെത്തുകയായിരുന്നു. പൊലീസും ഫയര്ഫോഴ്സസും എത്തിയാണ് ഇവരുടെ മൃതദേഹങ്ങള് കണ്ടെടുത്തത്. കുടംബത്തില് എന്തെങ്കിലും പ്രശ്നമുള്ളതായി അറിവില്ല. ഇവര്ക്ക് സാമ്പത്തിക പ്രശ്നങ്ങളുണ്ടായിരുന്നു എന്ന് പറയപ്പെടുന്നു. മൃതദേഹം കാസര്കോട് ജനറല് ആശുപത്രി മോര്ച്ചറിയിലേക്ക് മാറ്റി. അന്വേഷണം പുരോഗമിക്കുകയാണ്.