ഒക്ടോബര് 23 ലെ മാറ്റിവെച്ച പി എസ് സി പരീക്ഷ നവംബര് 13 ന്
ഒക്ടോബര് 23 ന് പി എസ് സി നടത്താന് നിശ്ചയിച്ചിരുന്നതും കാലവര്ഷക്കെടുതി മൂലം മാറ്റിവച്ചതുമായ ബിരുദതലം പ്രാഥമികപരീക്ഷ നവംബര് 13 ന് ശനിയാഴ്ച നടത്തുന്നതാണ്. ഉദ്യോഗാര്ത്ഥികള് ഇതിനകം ലഭ്യമായ അഡ്മിഷന് ടിക്കറ്റുമായി പരീക്ഷക്ക് ഹാജരാകേണ്ടതാണ്. ഒക്ടോബര് 30 ലെ പരീക്ഷ നിശ്ചയിച്ച പ്രകാരം നടത്തുന്നതാണ്.മധ്യകേരളത്തിലെ വിവിധ ജില്ലകളിലുണ്ടായ കനത്ത മഴയുടെ പശ്ചാത്തലത്തില് പി.എസ്.സി പരീക്ഷകള് മാറ്റിവച്ചിരുന്നു ഒക്ടോബര് 21 (വ്യാഴം), ഒക്ടോബര് 23 (ശനി) ദിവസങ്ങളില് നടത്താന് നിശ്ചയിച്ചിരുന്നു പിഎസ്.സി പരീക്ഷകളാണ് മാറ്റിവച്ചത്. പുതിയ തീയതി പിന്നീട് അറിയിക്കുമെന്ന് പിഎസ്.സി വാര്ത്താക്കുറിപ്പിലൂടെ അറിയിച്ചിരുന്നു. ഒക്ടോബര് 23-ന് നടത്താനിരുന്ന പി.എസ്.സി ബിരുദതല പരീക്ഷയടക്കമാണ് മാറ്റിവച്ചത്. അതേസമയം ഒക്ടോബര് 30-ന് നിശ്ചയിച്ച പരീക്ഷകള് മാറ്റമില്ലാതെ നടത്തും.കൂടാതെ ഒക്ടോബര് 21 ന് നടത്താന് നിശ്ചയിക്കുകയും കാലവര്ഷക്കെടുതി മൂലം മാറ്റിവെക്കുകയും ചെയ്ത അസിസ്റ്റന്റ് എഞ്ചിനീയര് (സിവില്) പരീക്ഷകള് ഒക്ടോബര് 28 ന് വ്യാഴാഴ്ച നടത്തുന്നതാണ്. നേരത്തെ ലഭ്യമായ അഡ്മിഷന് ടിക്കറ്റുമായി പരീക്ഷക്ക് ഹാജരാകേണ്ടതാണെന്നും പി എസ് സി അറിയിപ്പില് വ്യക്തമാക്കി.