ഓപ്പറേഷന് താമര കേസ്: തുഷാറിന്റെ അറസ്റ്റ് തെലങ്കാന ഹൈക്കോടതി തടഞ്ഞു
ഹൈദരാബാദ്: ഓപ്പറേഷന് താമര കേസില് തുഷാര് വെള്ളാപ്പള്ളിക്ക് താല്കാലിക ആശ്വാസം. തുഷാറിന്റെ അറസ്റ്റ് തെലങ്കാന ഹൈക്കോടതി തടഞ്ഞു. പ്രത്യേക അന്വേഷണ സംഘം നടത്തുന്ന അന്വേഷണവുമായി സഹകരിക്കാന് കോടതി തുഷാറിന് നിര്ദ്ദേശം നല്കി. കേസിന്റെ അന്വേഷണം സിബിഐക്ക് കൈമാറണമെന്നാവശ്യപ്പെട്ട് തുഷാര് നല്കിയ ഹര്ജി പരിഗണിക്കുന്നതിനിടെയാണ് സിംഗിള് ബെഞ്ച് നിര്ദേശം.എന്നാല് കേസ് സിബിഐക്ക് കൈമാറണമെന്ന തുഷാറിന്റെ ആവശ്യം കോടതി പരിഗണിച്ചില്ല. നേരത്തെ ആരോഗ്യ കാരണങ്ങളാല് ചോദ്യം ചെയ്യലിന് ഹാജരാകാന് സാധിക്കില്ലെന്നാണ് തുഷാര് തെലങ്കാന പൊലീസിനെ അറിയിച്ചത്. ചോദ്യം ചെയ്യലിന് ഹാജരാകാതിരുന്നതോടെ തുഷാറിനെതിരെ ലുക്കൗട്ട് നോട്ടീസ് പുറപ്പെടുവിച്ചിരുന്നു.തെലങ്കാന സര്ക്കാരിനെ അട്ടിമറിക്കാന് ശ്രമിച്ചെന്ന കേസില് പ്രതിയായ ജഗ്ഗു സ്വാമിയുടെ മൂന്ന് സഹപ്രവര്ത്തകര് ഹൈക്കോടതിയില് സമര്പ്പിച്ച മുന്കൂര് ജാമ്യാപേക്ഷ വരുന്ന വെള്ളിയാഴ്ച പരിഗണിക്കും.കേസില് തെലങ്കാന പൊലീസിലെ പ്രത്യേക അന്വേഷണ സംഘത്തിന്റെ വിശദീകരണം കോടതി തേടി. ഒളിവിലായ ജഗ്ഗു സ്വാമിയെ കണ്ടെത്താന് സഹായിച്ചില്ലെങ്കില് നടപടിയെടുക്കുമെന്ന് അന്വേഷണ സംഘം ഭീഷണിപ്പെടുത്തിയതായാണ് ഹര്ജിക്കാര് പറയുന്നത്. ജഗ്ഗു സ്വാമിക്കൊപ്പം ഒരേ സ്ഥാപനത്തില് ജോലി ചെയ്യുക മാത്രമാണെന്നും കൂടുതല് വിവരങ്ങള് അറിയില്ലെന്നും ചൂണ്ടിക്കാട്ടിയാണ് അമൃത ആശുപത്രിയിലെ സഹപ്രവര്ത്തകരായ ശരത് മോഹന് ഉള്പ്പടെ മൂന്ന് പേര് കോടതിയെ സമീപിച്ചത്.