തൃശ്ശൂരില് ധ്യാനകേന്ദ്രത്തിന് മുന്നില് കൂട്ടത്തല്ല്.
തൃശൂര് :തൃശ്ശൂര് മുരിയാട് എംപറര് ഇമ്മാനുവല് ധ്യാനകേന്ദ്രത്തിന് മുന്നില് കൂട്ടത്തല്ല്.വിശ്വാസികളും സഭാ ബന്ധം ഉപേക്ഷിച്ചവരും തമ്മിലാണ് ഇന്നലെ സംഘര്ഷമുണ്ടായത്. കാറില് സഞ്ചരിച്ച മുരിയാട് സ്വദേശി ഷാജിയേയും കുടുംബത്തെയും കൂട്ടം ചേര്ന്ന് തല്ലിച്ചതച്ചതായും പരാതിയുയര്ന്നു. കാറില് സഞ്ചരിക്കുകയായിരുന്ന മുരിയാട് പ്ലാട്ടോത്തത്തില് ഷാജി, മകന് സാജന്, ഭാര്യ ആഷ്ലിന്, ബന്ധുക്കളായ എഡ്വിന്, അന്വിന് തുടങ്ങിയവര്ക്കാണ് മര്ദ്ദനമേറ്റത്. സഭാ ബന്ധം ഉപേക്ഷിവരാണ് ഷാജിയുടെ കുടുംബം.
സാജന് എംബറര് ഇമ്മാനുവല് സഭയില് നിന്ന് പുറത്തുപോന്ന ശേഷം അവിടത്തെ ഒരു സത്രീയുടെ മോര്ഫ് ചെയ്ത നഗ്നചിത്രം പ്രചരിപ്പിച്ചുവെന്നാരോപിച്ചാണ് ഒരുകൂട്ടം സ്ത്രീകള് കാറില് സഞ്ചരിച്ചിരുന്ന സാജനെ തടഞ്ഞത്. അതേസമയം ആളൂര് പൊലീസ് ഈ കേസ് പരിശോധിച്ചുവരികയാണ്. അതിനിടെയാണ് കൂട്ടയടി നടന്നത്. ഇരു വിഭാഗങ്ങള്ക്കെതിരെയും പൊലീസ് കേസെടുത്തിട്ടുണ്ട്.