നാവിക സേന മേധാവിയായി മലയാളിയായ പട്ടം സ്വദേശി ആര് ഹരികുമാര് ചുമതലയേറ്റു
ദില്ലി: നാവിക സേന മേധാവിയായി വൈസ് അഡ്മിറല് ആര് ഹരികുമാര് ചുമതലയേറ്റു. രാവിലെ 8.35ന് പ്രതിരോധ മന്ത്രാലയത്തില് നടക്കുന്ന ചടങ്ങില് സ്ഥാനമൊഴിയുന്ന അഡ്മിറല് കരംബീര് സിംഗില് നിന്ന് നാവിക സേന മേധാവിയുടെ ചുമതല വൈസ് അഡ്മിറല് ആര് ഹരികുമാര് ഏറ്റെടുത്തത്. പശ്ചിമ നേവല് കമാണ്ട് മേധാവി സ്ഥാനത്ത് നിന്നാണ് നാവിക സേനയുടെ തന്നെ തലപ്പത്തേക്ക് തിരുവനന്തപുരം സ്വദേശി കൂടിയായ ആര് ഹരികുമാര് എത്തുന്നത്. 2024 ഏപ്രില് മാസം വരെയാകും കാലാവധി.
തിരുവനന്തപുരം പട്ടം സ്വദേശിയായ ഹരികുമാര് 1983-ലാണ് ഇന്ത്യന് നാവികസേനയുടെ ഭാഗമാകുന്നത്. ഐഎന്എസ് വിരാട്, ഐഎന്എസ് റണ്വീര് തുടങ്ങിയ യുദ്ധക്കപ്പലുകളുടെ കമാന്ഡറായി അദ്ദേഹം പ്രവര്ത്തിച്ചിട്ടുണ്ട്. ചീഫ് ഓഫ് ഇന്ഗ്രേറ്റഡ് ഡിഫന്സ് സ്റ്റാഫ് എന്ന പദവിയും അദ്ദേഹം അലങ്കരിച്ചിട്ടുണ്ട്. മുംബൈ ആസ്ഥാനമായുള്ള പശ്ചിമ നേവല് കമാന്ഡിന്റെ കമാന്ഡ് ഇന് ചീഫായി ഈ വര്ഷം ഫെബ്രുവരിയിലാണ് ഹരികുമാര് ചുമതലയേറ്റെടുത്തത്.
പിന്നാലെയാണ് 39 വര്ഷത്തെ അനുഭവപരിചയുമായി ഇന്ത്യന് നാവികസേനയുടെ തലപ്പത്തേക്ക് അദ്ദേഹം അവരോധിക്കപ്പെടുന്നത്. പരം വിശിഷ്ഠ് സേവ മെഡല് , അതി വിശിഷ്ഠ് സേവാമെഡല്, വിശിഷ്ഠ് സേവാമെഡല് എന്നിവ ബഹുമതികള് നല്കി രാജ്യം അദ്ദേഹത്തെ ആദരിച്ചിട്ടുണ്ട്.