നടിയെ ആക്രമിച്ച കേസില് നാദിര്ഷ സാക്ഷി വിസ്താരത്തിന് ഹാജരായി
നടിയെ ആക്രമിച്ച കേസില് നടനും സംവിധായകനുമായ നാദിര്ഷ സാക്ഷി വിസ്താരത്തിനായി ഹാജരായി. കൊച്ചിയിലെ സി ബി ഐ പ്രത്യേക കോടതിയിലാണ് ഹാജരായത്. കേസിലെ 8-ാം പ്രതിയായ നടന് ദിലീപിന്റെ അടുത്ത സുഹൃത്ത് കൂടിയാണ് നാദിര്ഷ.നേരത്തെ സംഭവവുമായി ബന്ധപ്പെട്ട് നാദിര്ഷയേയും അന്വേഷണസംഘം ചോദ്യം ചെയ്തിരുന്നു. കേസില് പ്രോസിക്യൂഷന് സാക്ഷിയായാണ് നാദിര്ഷയെ വിസ്തരിക്കുന്നത്. മുന്നൂറിലധികം സാക്ഷികളുള്ള കേസില് കാവ്യമാധവന് ഉള്പ്പെടെ 180 സാക്ഷികളുടെ വിസ്താരം പൂര്ത്തിയായി. കാവ്യാമാധവന് കേസില് കൂറുമാറിയിരുന്നു.2017ലാണ് കൊച്ചിയില്വെച്ച് നടി അക്രമിക്കപ്പെട്ടത്. കേസിന്റെ വിചാരണ ആഗസ്റ്റിനകം പൂര്ത്തിയാക്കാന് സുപ്രീംകോടതി നിര്ദേശിച്ചിരുന്നു. എന്നാല് വിചാരണ പൂര്ത്തിയാക്കാന് 6 മാസം കൂടി അനുവദിക്കണമെന്ന് സ്പെഷ്യല് ജഡ്ജിയുടെ ആവശ്യപ്രകാരം ആറു മാസം കൂടി സുപ്രീം കോടതി അനുവദിച്ചിരുന്നു.