കോഴിക്കോട് മെഡിക്കല് കോളേജിലാണ് സംഭവം. അറ്റന്റര്ക്കെതിരെയാണ് പരാതി
കോഴിക്കോട് : കോഴിക്കോട് മെഡി. കോളേജ് ആശുപത്രിയില് ശസ്ത്രക്രിയക്ക് വിധേയയായ യുവതിയെ അറ്റന്ഡര് പീഡിപ്പിച്ചതായി പരാതി. ശനിയാഴ്ചയാണ് സംഭവം. തൈറോയ്ഡ് ശസ്ത്രക്രിയ കഴിഞ്ഞ് സര്ജിക്കല് ഐസിയുവില് വിശ്രമിക്കുന്ന യുവതിയാണ് പീഡനത്തിനിരയായത്. അര്ദ്ധബോധാവസ്ഥയായതിനാല് യുവതിക്ക് പ്രതികരിക്കാനായില്ല. മറ്റൊരു രോഗിയെ പരിചരിക്കാന് ജീവനക്കാര് പോയ സമയത്തായിരുന്നു അറ്റന്ഡര് പീഡിപ്പിച്ചത്. പിന്നീട് യുവതി ബന്ധുക്കളോട് വിവരം പറയുകയായിരുന്നു. ബന്ധുക്കളുടെ പരാതിയുടെ അടിസ്ഥാനത്തില് മെഡി. കോളേജ് പൊലീസ് കേസ്സെടുത്തു. ആളെത്തിരിച്ചറിഞ്ഞെന്നും ഇയാള് ഒളിവിലാണെന്നും പൊലീസ് അറിയിച്ചു.
കോഴിക്കോട് മെഡിക്കല് കോളേജ് പീഡനം: അടിയന്തര അന്വേഷണത്തിന് നിര്ദ്ദേശം നല്കി ആരോഗ്യമന്ത്രി
തിരുവനന്തപുരം: കോഴിക്കോട് മെഡിക്കല് കോളേജില് ശസ്ത്രക്രിയ കഴിഞ്ഞ് മണിക്കൂറുകള്ക്കുളളില് യുവതി പീഡിപ്പിക്കപ്പെട്ട സംഭവത്തില് അന്വേഷിച്ച് നടപടിയെടുക്കാന് നിര്ദ്ദേശം നല്കി ആരോഗ്യമന്ത്രി വീണാ ജോര്ജ്. യുവതിയോട് ജീവനക്കാരന് ലൈംഗികാതിക്രമം നടത്തിയെന്ന ആരോപണത്തില് അടിയന്തരമായി അന്വേഷിച്ച് നടപടി സ്വീകരിക്കാന് മന്ത്രി, വിദ്യാഭ്യാസ വകുപ്പ് ഡയറക്ടര്ക്ക് നിര്ദേശം നല്കുകയായിരുന്നു.
ആഭ്യന്തര അന്വേഷണത്തിനായി മൂന്നംഗ സമിതി രൂപീകരിച്ചു. മെഡിക്കല് കോളേജ് അഡീഷണല് സൂപ്രണ്ട്, ആര്എംഒ, നഴ്സിങ് ഓഫിസര് തുടങ്ങിയവരാണ് അംഗങ്ങള്.