ഹൈദരാബാദില്‍ കനത്ത മഴ ; പിഞ്ചുകുഞ്ഞ് ഉള്‍പ്പെടെ 9 മരണം
ഹൈദരാബാദില്‍ ഇന്നലെ രാത്രിയുണ്ടായ കനത്ത മഴയില്‍ മതില്‍ തകര്‍ന്ന് രണ്ടുമാസം പ്രായമുള്ള കുഞ്ഞ് ഉള്‍പ്പെടെ ഒമ്പത് പേര്‍ മരിച്ചു.മൃതദേഹങ്ങള്‍ അവശിഷ്ടങ്ങളില്‍ കുടുങ്ങി.പത്തോളം വീടുകളിലേക്കാണ് മതില്‍ വീണത്.തെലങ്കാനയിലും അയല്‍ സംസ്ഥാനമായ ആന്ധ്രാപ്രദേശിലും കഴിഞ്ഞ മൂന്ന് ദിവസമായി കനത്ത മഴ തുടരുകയാണ്. തെലങ്കാനയില്‍ കഴിഞ്ഞ 48 മണിക്കൂറിനിടെ 12 പേരാണ് മരണപ്പെട്ടത്.റോഡുകളില്‍ വെള്ളം കയറുകയും താഴ്ന്ന പ്രദേശങ്ങളില്‍ വെള്ളപ്പൊക്കവും ഉണ്ടായി.റോഡ് ഗതാഗതം തടസ്സപ്പെട്ടു.തെലങ്കാനയില്‍ 14 ജില്ലകളെയെങ്കിലും ബാധിച്ചിട്ടുണ്ട്.ജലനിരപ്പ് ഉയര്‍ന്നതിനെത്തുടര്‍ന്ന് ഹൈദരാബാദിലേക്ക് വെള്ളം എത്തിക്കുന്ന ഹിമായത്ത് സാഗര്‍ അണക്കെട്ടിന്റെ ഷട്ടര്‍ ഇന്നലെ രാത്രി തുറന്നു.