ദിലീപ് പരാതി നല്കി; റിമ, രേവതി, പാര്വതി അടക്കമുള്ളവര്ക്ക് കോടതിയുടെ നോട്ടീസ്
നടിയെ തട്ടിക്കൊണ്ടുപോയി ആക്രമിച്ച കേസിലെ സാക്ഷികള്ക്കെതിരായി പ്രസ്താവന നടത്തിയതിന് ചലച്ചിത്ര താരങ്ങള്ക്ക് നോട്ടീസ് നല്കാന് കോടതി നിര്ദേശിച്ചു. റിമ കല്ലിങ്കല്, പാര്വതി, രേവതി, ആഷിഖ് അബു, രമ്യാ നമ്പീശന് എന്നിവര്ക്കെതിരെ ദിലീപിന്റെ പരാതിയിലാണ് നടപടി.
കേസില് നടന് സിദ്ദിഖും ഭാമയും കൂറുമാറിയതില് സമൂഹമാധ്യമങ്ങളിലൂടെ രൂക്ഷ പ്രതികരണവുമായി നടിമാരും സംവിധായകനും രം?ഗത്തുവന്നിരുന്നു. ഇത് രഹസ്യ വിചാരണയിലുള്ള കേസിലെ ഇടപെടലാണെന്നാണു ദിലീപിന്റെ പരാതി.
കേസിലെ പ്രോസിക്യൂഷന് സാക്ഷികളായിരുന്ന സിദ്ദിഖും ഭാമയും കൂറുമാറിയ സംഭവത്തില് വൈകാരികമായാണ് താരങ്ങള് പ്രതികരിച്ചത്.
സഹപ്രവര്ത്തകര് പോലും ഒപ്പം നില്ക്കാത്തതിന്റെ ദുഃഖം മറച്ചുവയ്ക്കാതിരുന്ന റിമയും രേവതിയും ഭാമയുടെ നിലപാട് മാറ്റത്തിലാണ് ഏറെ അസ്വസ്ഥത പ്രകടിപ്പിച്ചത്. ‘അപമാനം’ എന്നായിരുന്നു കൂറുമാറ്റത്തെക്കുറിച്ചുള്ള റിമയുടെ പ്രതികരണം.