കേരളത്തില് ഒമ്പത് ജില്ലകളില് അടുത്ത മൂന്ന് മണിക്കൂറില് ഇടിയോടു കൂടിയ മഴയ്ക്ക് സാധ്യത
തിരുവനന്തപുരം: കേരളത്തില് ഒമ്പത് ജില്ലകളില് അടുത്ത മൂന്ന് മണിക്കൂറില് ഇടിയോടു കൂടിയ മഴയ്ക്ക് സാധ്യതയെന്ന് കാലാവസ്ഥാ മുന്നറിയിപ്പ്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട് എന്നീ ജില്ലകളില് ഒറ്റപ്പെട്ടയിടങ്ങളില് ഇടിയോടു കൂടിയ, മഴയ്ക്കും മണിക്കൂറില് 40 കിലോ മീറ്റര് വരെ വേഗതയില് വീശിയടിച്ചേക്കാവുന്ന കാറ്റിനും സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിക്കുന്നത്.കൊടും ചൂടില് വലയുന്ന കേരളത്തിന് ആശ്വാസമേകാന് വേനല് മഴ വരും ദിവസങ്ങളില് മെച്ചപ്പെട്ടേക്കാം എന്നാണ് വിലയിരുത്തല്. അഞ്ച് ദിവസം കേരളത്തില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് ഇന്നലെ അറിയിച്ചിരുന്നു. മഴയ്ക്കൊപ്പം ഇടിമിന്നലിനും കാറ്റിനും സാധ്യതയുണ്ടെന്നും അറിയിപ്പുണ്ടായിരുന്നു. ഏപ്രില് 02 മുതല് 06 വരെ കേരളത്തില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്കും 30 മുതല് 40 കി.മീ വരെ വേഗത്തില് വീശിയടിക്കാവുന്ന ശക്തമായ കാറ്റിനും സാധ്യതയുണ്ടെന്നുമാണ് കേന്ദ്ര കാലാവസ്ഥ വകുപ്പ് അറിയിപ്പ്.