വിജയ് ബാബുവിനെതിരെ മറ്റൊരു കേസ് കൂടി
കൊച്ചി: തനിക്കെതിരെ ബലാത്സംഗത്തിന് കേസ് നല്കിയ പരാതിക്കാരിയുടെ പേര് വെളിപ്പെടുത്തിയ സംഭവത്തില് നടനും നിര്മ്മാതാവുമായ വിജയ് ബാബുവിനെതിരെ മറ്റൊരു കേസ് കൂടി രജിസ്റ്റര് ചെയ്യും.എറണാകുളം സൗത്ത് പൊലീസാണ് ഇരയുടെ പേര് വെളിപ്പെടുത്തിയതിന് കേസെടുക്കുക.സിനിമയില് കൂടുതല് അവസരങ്ങള് വാഗ്ദാനം ചെയ്ത് പ്രലോഭിപ്പിച്ച് എറണാകുളത്തെ ഫ്ലാറ്റില് വെച്ച് നിരവധി തവണ ബലാത്സംഗം ചെയ്തെന്നാണ് പരാതി.നടിയുടെ പരാതിയുടെ അടിസ്ഥാനത്തില് എറണാകുളം സൗത്ത് പൊലീസാണ് വിജയ് ബാബുവിനെതിരെ ബലാത്സംഗ കുറ്റം ചുമത്തി കേസെടുത്തത്.ബലാത്സംഗം,ഗുരുതരമായി പരിക്കേല്പ്പിക്കല് തുടങ്ങിയ കുറ്റങ്ങള്ക്കുള്ള വകുപ്പുകളാണ് വിജയ് ബാബുവിനെതിരെ ചുമത്തിയിട്ടുള്ളത്.