സ്വപ്ന സുരേഷിന്റെ മുന്കൂര് ജാമ്യാപേക്ഷ തള്ളി.
തിരുവനന്തപുരം :മുന്മന്ത്രി കെ.ടി.ജലീല് നല്കിയ പരാതിയിലെടുത്ത കേസില് സ്വപ്ന സുരേഷും പി.എസ്.സരിത്തും ഹൈക്കോടതിയില് നല്കിയ മുന്കൂര് ജാമ്യാപേക്ഷ തള്ളി. സ്വപ്നയ്ക്കെതിരെ ചുമത്തിയ കുറ്റങ്ങള് ജാമ്യം ലഭിക്കുന്നതാണെന്നു വിലയിരുത്തിയാണു ജസ്റ്റിസ് വിജു ഏബ്രഹാം ഹര്ജി തള്ളിയത്.
സ്വപ്നയുടെ മുന്കൂര് ജാമ്യാപേക്ഷ നിയമപരമായി നിലനില്ക്കില്ലെന്ന് സംസ്ഥാന സര്ക്കാര് ഹൈക്കോടതിയില് വാദിച്ചിരുന്നു. അറസ്റ്റു ചെയ്യുമെന്ന് ആശങ്കപ്പെടേണ്ട സാഹചര്യം നിലവിലില്ലെന്നും സര്ക്കാര് ഹൈക്കോടതിയെ അറിയിച്ചു. ഇതിനു പിന്നാലെയാണ് സ്വപ്നയുടെ മുന്കൂര് ജാമ്യാപേക്ഷ കോടതി തള്ളിയത്. കെ.ടി.ജലീലിന്റെ പരാതിയെ തുടര്ന്ന് റജിസ്റ്റര് ചെയ്ത കേസില് അറസ്റ്റ് ഒഴിവാക്കാനാണ് സ്വപ്ന സുരേഷും പി.എസ്.സരിത്തും മുന്കൂര് ജാമ്യാപേക്ഷയുമായി ഹൈക്കോടതിയെ സമീപിച്ചത്.