”സത്യം ജയിക്കു”മെന്ന് സമൂഹമാധ്യമത്തില് പോസ്റ്റുമായി നടന് വിജയ് ബാബു.
കൊച്ചി :സമൂഹമാധ്യമത്തില് പോസ്റ്റുമായി നടന് വിജയ് ബാബു. സത്യം ജയിക്കുമെന്ന് വിജയ് ബാബു പോസ്റ്റില് വ്യക്തമാക്കി. ‘നിശബ്ദതയാണ് ഏറ്റവും മികച്ച മറുപടി’ എന്നെഴുതിയ ചിത്രത്തോടൊപ്പമാണ് വിജയ് ബാബുവിന്റെ കുറിപ്പ്.
പോസ്റ്റ് ഇങ്ങനെ:
”എന്തു സംഭവിച്ചാലും പ്രകോപിതനാകില്ല. ബഹുമാനപ്പെട്ട കോടതിയുടെ നിര്ദേശപ്രകാരം മാധ്യമങ്ങളോട് സംസാരിക്കില്ല. അന്വേഷണവുമായി 100 ശതമാനം സഹകരിക്കുന്നുണ്ട്. അവസാനം സത്യം ജയിക്കും. ദൈവം അനുഗ്രഹിക്കട്ടെ.”പുതുമുഖ നടിയെ പീഡിപ്പിച്ച കേസില് തിങ്കളാഴ്ച വിജയ് ബാബുവിന്റെ അറസ്റ്റ് രേഖപ്പെടുത്തിയിരുന്നു. ആവശ്യമെങ്കില് വിജയ് ബാബുവിനെ അറസ്റ്റു ചെയ്യാനും അഞ്ചുലക്ഷം രൂപയുടെയും രണ്ട് ആള്ജാമ്യത്തിന്റെയും പിന്ബലത്തില് ജാമ്യം അനുവദിക്കാനും കോടതി അനുമതി നല്കിയിരുന്നു. ഇതെത്തുടര്ന്നാണ് അന്വേഷണ സംഘത്തിന്റെ നടപടി.തിങ്കളാഴ്ച രാവിലെ എറണാകുളം സൗത്ത് പൊലീസ് സ്റ്റേഷനില് വിജയ് ബാബു ചോദ്യം ചെയ്യലിനു ഹാജരായിരുന്നു. ഇന്നു മുതല് അടുത്ത മാസം മൂന്നാം തീയതി വരെ രാവിലെ ഒമ്പതു മുതല് വൈകിട്ട് ആറു വരെ വിജയ് ബാബുവിനെ കസ്റ്റഡിയില് വച്ചു ചോദ്യം ചെയ്യാനാണ് കോടതി അനുമതിയുള്ളത്.