സംസ്ഥാനത്ത് നാളെ അതിശക്ത മഴ
തിരുവനന്തപുരം: സംസ്ഥാനത്ത് മഴ നാളെയോടെ കനത്തേക്കും. വടക്ക് പടിഞ്ഞാറന് ബംഗാള് ഉള്ക്കടലില് രൂപപ്പെട്ട ന്യുന മര്ദ്ദവും തെക്കന് ഗുജറാത്ത് തീരം മുതല് കേരള തീരം വരെ ന്യുനമര്ദ്ദ പാത്തി നിലനില്ക്കുന്നതുമാണ് കേരളത്തില് കാലവര്ഷം കനക്കാന് കാരണമാകുക. ഈ സാഹചര്യത്തില് കേരളത്തില് അടുത്ത 5 ദിവസം വ്യാപകമായ മഴക്ക് സാധ്യതയെന്ന് കാലാവസ്ഥ വകുപ്പ് മുന്നറിയിപ്പേകിയിട്ടുണ്ട്. നാളെ ഒറ്റപ്പെട്ട സ്ഥലങ്ങളില് അതി ശക്തമായ മഴക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. അടുത്ത 3 മണിക്കൂറിലാകട്ടെ കേരളത്തിലെ 10 ജില്ലകളിലാണ് മഴ സാധ്യത ശക്തമായിട്ടുള്ളത്. അഞ്ച് മണിയോടെയുള്ള അറിയിപ്പ് പ്രകാരം തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി,പാലക്കാട്, കോഴിക്കോട്, വയനാട്, കണ്ണൂര്, കാസറഗോഡ് എന്നീ ജില്ലകളിലാണ് മഴ സാധ്യത.