ദില്ലിയിലെ ഇസ്രയേല് എംബസിക്ക് സമീപം പൊട്ടിത്തെറി
ദില്ലി : ദില്ലിയിലെ ഇസ്രയേല് എംബസിക്ക് സമീപം പൊട്ടിത്തെറി. സ്ഥലത്ത് ബോംബ് സ്ക്വാഡും ദില്ലി പൊലീസും എന് ഐ എയും പരിശോധന നടത്തിയെങ്കിലും പൊട്ടിത്തെറിക്ക് കാരണമായ ഒന്നും കണ്ടെത്താന് സാധിച്ചിട്ടില്ല. ഇന്ന് വൈകിട്ടോടെയാണ് ഇസ്രയേല് എംബസിക്ക് സമീപം സ്ഫോടനമുണ്ടായതായി അഗ്നിശമന സേനക്കും – പൊലീസിനും വിവരം ലഭിച്ചത്. അബ്ദുള് കലാം റോഡിലെ എംബസിക്ക് മീറ്ററുകള് അടുത്ത് ഹിന്ദി ട്രെയ്നിങ് ഇന്സ്റ്റിറ്റ്യൂട്ടിന് നടത്താണ് പൊട്ടിത്തെറിയുണ്ടായത്. പൊലീസ്, ഫയര്ഫോഴ്സ്, ഫൊറന്സിക് സംഘങ്ങള് തെരച്ചില് നടത്തിയെങ്കിലും ഒന്നും കണ്ടെത്താനായില്ല. വലിയ പൊട്ടിത്തെറി കേട്ടെന്നും പുകപടലങ്ങള് ഉയര്ന്നെന്നും സമീപത്തുണ്ടായിരുന്ന സുരക്ഷ ജീവനക്കാരന് പൊലീസിന് മൊഴി നല്കി. എംബസിക്ക് മീറ്ററുകള് അകലെ നിന്നും വലിയ പൊട്ടിത്തെറി ശബ്ദം കേട്ടുവെന്നും പുക ഉയര്ന്നുവെന്നും സുരക്ഷാ ജീവനക്കാരന് തേജവ് ഛേത്രിയും പ്രതികരിച്ചു. പൊലീസിനോട് കാര്യങ്ങള് വിശദീകരിച്ചിട്ടുണെന്നും തേജവ് വ്യക്തമാക്കി. കനത്ത ജാഗ്രതയിലാണ് എംബസി പരിസരം. ദേശീയ അന്വേഷണ ഏജന്സിയുടെ സംഘവും സ്ഥലത്തെത്തി പരിശോധന നടത്തി. വൈകിട്ട് അഞ്ച് മണിയോടെ ദില്ലിയിലെ എംബസിക്ക് സമീപത്ത് വെച്ച് പൊട്ടിത്തെറി ശബ്ദം ഉണ്ടായതായി ഇസ്രായേല് എംബസി സ്ഥിരീകരിച്ചു. 2021 ജനുവരി 29 ന് എംബസിക്ക് മുന്പില് ബോംബ് സ്ഫോടനമുണ്ടായിരുന്നു. വിജയ് ചൗക്കില് ബീറ്റിങ് റിട്രീറ്റ് ചടങ്ങില് രാഷ്ട്രപതിയും പ്രധാനമന്ത്രിയും അടക്കമുളളവര് പങ്കെടുക്കുമ്പോഴായിരുന്നു നയതന്ത്ര മേഖലയിലെ സ്ഫോടനം.