വീടുകള്‍ അമ്പാടികളായി.
ജന്മാഷ്ടമി നാളില്‍ കൊച്ചുകുട്ടികള്‍ ഉണ്ണി കണ്ണന്മാര്‍ ആയി വേഷമിട്ട് ലീലകളാടിയത് അവരവരുടെ വീടുകളില്‍ തന്നെ. ശ്രീകൃഷ്ണ ജയന്തിയോടനുബന്ധിച്ച് മഹാശോഭായാത്ര ഒഴിവാക്കിയ പ്രത്യേക സാഹചര്യത്തില്‍ സംസ്ഥാനത്താകമാനം കോവിഡിന്റെ നിബന്ധനകളനുസരിച്ച് കുട്ടികള്‍ വീടുകളില്‍ തന്നെ വേഷങ്ങള്‍ അണിഞ്ഞു. ശ്രീകൃഷ്ണനും, രാധയും ഒക്കെയായി വീടുകളെ അമ്പാടികളാക്കിയാണ് ശ്രീകൃഷ്ണ ജയന്തി ആഘോഷിച്ചത്.സംസ്ഥാനത്ത് ലക്ഷക്കണക്കിന് കുട്ടികളാണ് ഇത്തരത്തില്‍ ആഘോഷത്തില്‍ പങ്കെടുത്തത് .
