രാഹുല് മാങ്കൂട്ടത്തിന് നാലു കേസുകളിലാണ് ജാമ്യം
തിരുവനന്തപുരം: പൂജപ്പുര ജയിലില് റിമാന്ഡിലുള്ള യൂത്ത് കോണ്ഗ്രസ് അധ്യക്ഷന് രാഹുല് മാങ്കുട്ടത്തലിന് എല്ലാ കേസുകളിലും ജാമ്യം. രാഹുല് ഇന്ന് തന്നെ പുറത്തിറങ്ങും. അറസ്റ്റിലായി എട്ടാം ദിവസമാണ് രാഹുലിന് നാലു കേസുകളിലും ജാമ്യം ലഭിക്കുന്നത്. ഇന്ന് ഉച്ചയ്ക്കുശേഷം രണ്ടു കേസുകളില് കൂടി ജാമ്യം ലഭിച്ചതോടെയാണ് രാഹുലിന് ജയിലില് നിന്ന് പുറത്തിറങ്ങാനുള്ള വഴിയൊരുങ്ങിയത്.
നേരത്തെ രണ്ടു കേസുകളില് രാഹുലിന് ജാമ്യം ലഭിച്ചിരുന്നു.ഏറ്റവും ഒടുവിലായി ഇന്ന് വൈകിട്ട് സിജെഎം കോടതിയാണ് ജാമ്യം അനുവദിച്ചത്. യൂത്ത് കോണ്ഗ്രസ് സെക്രട്ടറിയേറ്റ് മാര്ച്ച് അക്രമ കേസില് ഇന്ന് ഉച്ചയ്ക്കുശേഷം ജാമ്യം ലഭിച്ചതിന് പിന്നാലെയാണ് ഡിജിപി ഓഫീസ് മാര്ച്ചുമായി ബന്ധപ്പെട്ട കേസിലും രാഹുല് മാങ്കൂട്ടത്തിലിന് ജാമ്യം ലഭിച്ചത്. ഉപാധികളോടെയാണ് ജാമ്യം അനുവദിച്ചിരിക്കുന്നത്. സെക്രട്ടറിയേറ്റ് മാര്ച്ചിന്റെ പേരിലെടുത്ത പുതിയ രണ്ട് കേസുകളില് ഇന്നലെ രാഹുലിന് ജാമ്യം കിട്ടിയിരുന്നു.
യൂത്ത് കോണ്ഗ്രസിന്റെ സെക്രട്ടറിയേറ്റ് മാര്ച്ചിലുണ്ടായ അക്രമവുമായി ബന്ധപ്പെട്ട കേസില് തിരുവനന്തപുരം സെഷന്സ് കോടതിയും ഡിജിപി ഓഫീസിലേക്ക് യൂത്ത് കോണ്ഗ്രസ് നടത്തിയ മാര്ച്ചിലുണ്ടായ സംഘര്ഷത്തിന്റെ പേരിലുള്ള കേസില് സിജിഎം കോടതിയുമാണ് രാഹുലിന് ഉപാധികളോടെ ജാമ്യം അനുവദിച്ചത്.25000 രൂപ കെട്ടിവെക്കണം, എല്ലാ ചൊവ്വാഴ്ചയും അന്വേഷണ ഉദ്യോഗസ്ഥന് മുന്നില് ഹാജരാകരണം തുടങ്ങിയ ഉപാധികളോടെയാണ് സിജെഎം കോടതി ജാമ്യം അനുവദിച്ചത്.
ജാമ്യ ഉപാധികള് കോടതിയില് നല്കിയാല് ഇന്ന് പുറത്തിറങ്ങാനാകും. ഉടന് ജാമ്യ ഉപാധികള് കോടതിയില് നല്കി പുറത്തിറക്കാനാണ് ശ്രമം. പുറത്തിറങ്ങുന്ന രാഹുല് മാങ്കൂട്ടത്തിലിനെ യൂത്ത് കോണ്ഗ്രസ് ദേശീയ പ്രസിഡന്റ് ബി വി ശ്രീനിവാസിന്റെ നേതൃത്വത്തില് ജയിലില് നിന്നും സ്വീകരിക്കും.