രണ്ടരവയസുള്ള കുട്ടിയെ മര്ദ്ദിച്ചിട്ടില്ല, നിരപരാധിയെന്ന് ആന്റണി റ്റിജിന്
കൊച്ചി: ഒളിവിലല്ലെന്നും പൊലീസിനെ ഭയന്നാണ് മാറിനില്ക്കുന്നതെന്നും നേരത്തെയുള്ള പരാതിയില് പനങ്ങാട് പൊലീസ് തന്നെ ക്രൂരമായി മര്ദ്ദിച്ചിരുന്നെന്നും ആന്റണി പറഞ്ഞു. തൃക്കാക്കരയില് ക്രൂരമായി ആക്രമിക്കപ്പെട്ട രണ്ടരവയസുകാരിക്കും കുടുംബത്തിനും ഒപ്പം താമസിച്ചിരുന്ന ആന്റണി റ്റിജിന്.കുട്ടി കളിക്കുന്നതിനിടെ വീണാണ് പരിക്കേറ്റതെന്നാണ് ഇയാള് പറയുന്നത്. ദേഹത്ത് പൊള്ളലേറ്റത് കുന്തിരിക്കം വീണാണെന്നും കുട്ടി കരഞ്ഞ് കാണാഞ്ഞതിനാലാണ് ആശുപത്രിയില് എത്തിക്കാഞ്ഞതെന്നും ആന്റണി പറഞ്ഞു. നിരപരാധിത്വം തെളിയിക്കണമെന്നും ഇതിനായി പൊലീസിനെ ചെന്ന് ഉടന് കാണുമെന്നും ആന്റണി റ്റിജിന് പറഞ്ഞു. അപസ്മാരം കണ്ടതോടെ താനാണ് ആദ്യം ആശുപത്രിയിലെത്തിച്ചതെന്നും റ്റിജിന് പറഞ്ഞു.
ആന്റണിയാകാം കുഞ്ഞിനെ പീഡിപ്പിച്ചതെന്നായിരുന്നു കുഞ്ഞിന്റെ അച്ഛന് ഇന്നലെ പറഞ്ഞത്. കുട്ടിക്കും കുടുംബത്തിനുമൊപ്പം താമസിച്ചരുന്ന ആന്റണി റ്റിജിനെ ഉടന് ചോദ്യം ചെയ്യേണ്ടതിലെന്നായിരുന്നു ഞായറാഴ്ച പൊലീസിന്റെ തീരുമാനം. അമ്മയുടെ സഹോദരിക്കും മകനുമൊപ്പം ഇയാള് ഫ്ലാറ്റ് വിട്ടെങ്കിലും പൊലീസ് വിളിക്കുമ്പോഴെല്ലാം ഫോണില് പ്രതികരിക്കുകയും ചെയ്തിരുന്നു. എന്നാല് ആന്റണിയാകാം മര്ദ്ദനത്തിന് പിന്നിലെന്ന ആരോപണവുമായി കുഞ്ഞിന്റെ അച്ഛന് ഇന്നലെ രംഗത്തെത്തി. കൂടാതെ ആന്റണിയുടെ സംശയാസ്പദമായ
പശ്ചാത്തലത്തെകുറിച്ച പൊലീസിന് നിരവധി വിവരങ്ങള് ലഭിക്കുകയും ചെയ്തിരുന്നു. തുടര്ന്ന് ഇന്നലെ പകല് മുഴുവന് പൊലീസ് ആന്റണിയെ ചോദ്യം ചെയ്യാനായി ഫോണില് ബന്ധപ്പെട്ടെങ്കിലും മിക്കപ്പോഴും സ്വിച്ച് ഓഫ് ചെയ്ത നിലയിലായിരുന്നു.