പുതുപ്പള്ളിയിലേത് രാഷ്ട്രീയ പോരാട്ടം :ചാണ്ടി ഉമ്മന്.
കോട്ടയം: പുതുപ്പള്ളിയിലേത് രാഷ്ട്രീയ പോരാട്ടമെന്ന് ചാണ്ടി ഉമ്മന്. ഉമ്മന്ചാണ്ടിയുടെ ഓര്മ്മകള്ക്കൊപ്പം രാഷ്ട്രീയവും ചര്ച്ചയാവുമെന്നും ചാണ്ടി ഉമ്മന് പറഞ്ഞു. ഇത്ര വേഗത്തില് തെരഞ്ഞെടുപ്പ് പ്രതീക്ഷിച്ചിരുന്നില്ല. അച്ഛന്റെ മരണം കഴിഞ്ഞ് ചുരുങ്ങിയ ദിവസങ്ങള്ക്കുള്ളില് തിരഞ്ഞെടുപ്പിന് ഇറങ്ങേണ്ടി വരുന്നതില് മാനസിക ബുദ്ധിമുട്ടുണ്ട്. പാര്ട്ടി ഏല്പ്പിച്ച ഉത്തരവാദിത്വം എന്ന നിലയില് സ്ഥാനാര്ഥിത്വം ഏറ്റെടുക്കുന്നുവെന്നും ചാണ്ടി ഉമ്മന് കൂട്ടിച്ചേര്ത്തു.ഉമ്മന്ചാണ്ടിയാവാന് തനിക്ക് കഴിയില്ല. ഉമ്മന്ചാണ്ടിയുടെ പിന്ഗാമിയാവുക വെല്ലുവിളിയാണ്. അതൊരു സമ്മര്ദ്ദമാണ്. സൂര്യനായിരുന്നു ഉമ്മന്ചാണ്ടി. സൂര്യന്റെ പ്രഭയില് നില്ക്കുന്ന ചന്ദ്രന് മാത്രമാണ് താന്. താന് പിന്ഗാമിയാകണമെന്ന് പിതാവിന് ആഗ്രഹം ഉണ്ടായിരുന്നിരിക്കാം. ഉമ്മന്ചാണ്ടിക്കെതിരായ സി പി എം വിമര്ശനങ്ങള്ക്ക് മറുപടി പറയാനില്ലെന്നും ചാണ്ടി ഉമ്മന് പറഞ്ഞു.
തെരഞ്ഞെടുപ്പ് തിയതി പ്രഖ്യാപിച്ചതിന് ശേഷം ഇന്ന് പുതുപ്പള്ളി പള്ളിയിലെത്തി ചാണ്ടി ഉമ്മന് പ്രാര്ത്ഥിച്ചു. ആളുകളെ നേരിട്ട് കണ്ട് പ്രചാരണം നടത്താനാണ് ചാണ്ടി ഉമ്മന്റെ നീക്കം. അതേസമയം, കോണ്?ഗ്രസ് സ്ഥാനാര്ത്ഥിയായി ചാണ്ടി ഉമ്മനെ പ്രഖ്യാപിച്ചെങ്കിലും സിപിഎം സ്ഥാനാര്ത്ഥിയെ ഇതുവരേയും പ്രഖ്യാപിച്ചിട്ടില്ല. സിപിഎം സ്ഥാനാര്ത്ഥി പ്രഖ്യാപനം ശനിയാഴ്ചയുണ്ടാവുമെന്നാണ് റിപ്പോര്ട്ട്. കോട്ടയം ജില്ലാ സെക്രട്ടറിയേറ്റ് യോഗം ഇന്ന് ചേരും. ജെയ്ക് സി തോമസ് അടക്കം 4 പേരാണ് നിലവില് പരിഗണനയിലുള്ളത്. അതേസമയം, മത്സരരംഗത്ത് പൊതുസ്വതന്ത്രന് വേണമെന്ന അഭിപ്രായവും ശക്തമാണ്. ഔദ്യോഗികമായി സ്ഥാനാര്ത്ഥിയെ പ്രഖ്യാപിച്ചതോടെ പ്രചാരണം തുടങ്ങിയിരിക്കുകയാണ് ചാണ്ടി ഉമ്മന്. വലിയ ഉത്തരവാദിത്തമാണ് പാര്ട്ടി ഏല്പ്പിച്ചിരിക്കുന്നതെന്ന് ചാണ്ടി ഉമ്മന് മാധ്യമങ്ങളോട് പറഞ്ഞു. കോണ്ഗ്രസ് പാര്ട്ടി 53 വര്ഷം പ്രതിനിധീകരിച്ച മണ്ഡലമാണ് പുതുപ്പള്ളി. മണ്ഡലത്തിലെ വികസന പ്രവര്ത്തനങ്ങള് കോണ്ഗ്രസിന് അനുകൂലമായി മാറുമെന്നും അദ്ദേഹം കൂട്ടിച്ചേര്ത്തു.