പി.സി.ജോര്ജ് കസ്റ്റഡിയില്
പി.സി.ജോര്ജ് കസ്റ്റഡിയില് .തിരുവനന്തപുരം ഹിന്ദു മഹാസമ്മേളനത്തിന്റെ ഉദ്ഘാടന പ്രസംഗത്തില് മതവിദ്വേഷ പ്രസംഗം നടത്തിയ കേസില് പൂഞ്ഞാര് മുന് എംഎല്എ പി.സി.ജോര്ജിനെ പൊലീസ് കസ്റ്റഡിയിലെടുത്തു. തിരുവനന്തപുരം ഫോര്ട്ട് പൊലീസ് കൊച്ചിയിലെത്തിയാണ് പി.സി.ജോര്ജിനെ കസ്റ്റഡിയിലെടുത്ത് തിരുവനന്തപുരത്തേക്ക് കൊണ്ടുപോയത്. തിരുവനന്തപുരം ഒന്നാം ക്ലാസ് മജിസ്ട്രേറ്റ് കോടതി (രണ്ട്) ജാമ്യം റദ്ദാക്കിയതിനു പിന്നാലെയാണ് കസ്റ്റഡിയിലെടുത്തത്.. അന്വേഷണത്തിന്റെ ഭാഗമായി ഫോര്ട്ട് അസിസ്റ്റന്റ് കമ്മിഷണര്ക്ക് പി.സി.ജോര്ജിനെ അറസ്റ്റ് ചെയ്യാനുള്ള സ്വാതന്ത്ര്യം ഉണ്ടെന്ന് കോടതി വ്യക്തമാക്കിയിരുന്നു.
വെണ്ണലയില് മതവിദ്വേഷ പ്രസംഗം നടത്തിയെന്ന കേസില് പാലാരിവട്ടം പൊലീസ് സ്റ്റേഷനില് ചോദ്യം ചെയ്യലിനെത്തിയപ്പോഴാണ് കസ്റ്റഡിയിലെടുത്തത്. ഹാജരാകണമെന്ന് ആവശ്യപ്പെട്ട് പാലാരിവട്ടം പൊലീസിന്റെ നോട്ടിസ് പി.സി.ജോര്ജ് കൈപ്പറ്റിയിരുന്നു. നിയമത്തിന് വഴങ്ങുന്നു എന്ന് പി.സി.ജോര്ജ് പറഞ്ഞു.