പാലക്കാട് യുവതിയെ കഴുത്തു ഞെരിച്ച് കൊന്നു; യുവാവ് പോലീസ് സ്റ്റേഷനില്‍ കീഴടങ്ങി.
പാലക്കാട് :ചിറ്റിലഞ്ചേരി കോന്നല്ലൂരില്‍ യുവതിയെ കഴുത്തു ഞെരിച്ച് കൊന്നു. കോന്നല്ലൂര്‍ ശിവദാസന്റെയും ഗീതയുടെയും മകള്‍ സൂര്യ പ്രിയ (24) ആണ് മരിച്ചത്. സംഭവത്തില്‍ അഞ്ചുമൂര്‍ത്തിമംഗലം അണക്കപ്പാറ ചീകോട് സുജീഷ് (27)പോലീസ് സ്റ്റേഷനില്‍ എത്തി കീഴടങ്ങി.
സൂര്യ പ്രിയ ഡിവൈഎഫ്ഐ കോന്നല്ലൂര്‍ യൂണിറ്റ് സെക്രട്ടറിയും ചിറ്റിലഞ്ചേരി മേഖല കമ്മിറ്റിയംഗവും മേലാര്‍കോട് പഞ്ചായത്ത് സിഡിഎസ് അംഗവുമാണ്. ഇന്നു രാവിലെ യുവതിയുടെ വീട്ടിലാണ് കൊലപാതകം നടന്നത്. വീട്ടില്‍ മറ്റാരുമില്ലാതിരുന്ന സമയത്താണ് സംഭവം. സുജീഷ് പോലീസ് സ്റ്റേഷിലെത്തി കീഴടങ്ങിയതോടെയാണ് കൊലപാതക വിവരം പുറംലോകം അറിയുന്നത്.