ബിഹാറില് നിതീഷ് കുമാറിന്റെ നേതൃത്വത്തില് വിശാല സഖ്യ സര്ക്കാര് അധികാരമേറ്റു.
റാഞ്ചി: ബിഹാറില് നിതീഷ് കുമാറിന്റെ നേതൃത്വത്തില് വിശാല സഖ്യ സര്ക്കാര് അധികാരമേറ്റു. നിതീഷ് കുമാര് മുഖ്യമന്ത്രിയും, തേജസ്വി യാദവ് ഉപമുഖ്യമന്ത്രിയുമായും സത്യപ്രതിജ്ഞ ചെയ്തു. ബിജെപി അടിച്ചമര്ത്താന് ശ്രമിച്ചെന്ന് സത്യപ്രതിജ്ഞയ്ക്ക് ശേഷം നിതീഷ് കുമാര് പറഞ്ഞു. ബിഹാര് ജനതയുടെ സ്വപ്നം സാക്ഷാത്ക്കരിച്ചെന്ന് മുന് മുഖ്യമന്ത്രിയും ലാലു പ്രസാദ് യാദവിന്റെ ഭാര്യയുമായി റാബറി ദേവി പ്രതികരിച്ചു.പുതിയ സഖ്യകക്ഷി സര്ക്കാരില് മുഖ്യമന്ത്രി സ്ഥാനം പങ്കുവയ്ക്കാന് ആര്ജെഡിയും ജെഡിയുവും തമ്മില് ധാരണയിലെത്തിയെന്ന റിപ്പോര്ട്ടുകള് ഇതിനിടെ പുറത്തു വന്നു. 2023 വരെ മുഖ്യമന്ത്രി സ്ഥാനത്ത് നിതീഷ് കുമാര് തുടരുമെന്നാണ് റിപ്പോര്ട്ട്. ലോക്സഭ തെരഞ്ഞെടുപ്പിന് മുന്പായി മുഖ്യമന്ത്രി സ്ഥാനം തേജസ്വിക്ക് കൈമാറുമെന്നാണ് ധാരണ.
ഒരു വര്ഷവും ഒമ്പത് മാസവും മാത്രം പ്രായമായ ബിഹാറിലെ എന്ഡിഎ സര്ക്കാര് ഇന്നലെയാണ് നിതീഷ് രാജി സമര്പ്പിച്ചതോടെ വീണത്. അധികാരമേറ്റത് മുതല് ബിജെപിയുമായുള്ള കലഹിച്ച നിതീഷ് ഒടുവില് അനിവാര്യമായ രാജിയിലേക്ക് എത്തുകയായിരുന്നു. ഇന്നലെ രാവിലെ ചേര്ന്ന ജെഡിയു ജനപ്രതിനിധികളുടെ യോഗത്തില് ഇനി ബിജെപിയുമായി ഒത്തു പോകാനാകില്ലെന്ന് നിതീഷ് കുമാര് അറിയിച്ചു. ഏത് നിമിഷവും പാര്ട്ടി ശിഥിലമാകാമെന്ന് എംഎല്എമാരും മുന്നറിയിപ്പ് നല്കി. പിന്നാലെ ആര്ജെഡിയും കോണ്ഗ്രസും സംയുക്ത യോഗം ചേര്ന്ന് നിതീഷ് കുമാറിന് നിരുപാധിക പിന്തുണ പ്രഖ്യാപിച്ചു. തുടര്ന്ന് 164 എംഎല്എമാര് പിന്തുണച്ച കത്തുമായി ഗവര്ണര് ഫാഗു ചൗഹാനെ കണ്ട് രാജി നിതീഷ് രാജി സമര്പ്പിക്കുകയായിരുന്നു. ബിജെപി ഒഴികെയുള്ള കക്ഷികളെല്ലാം നിതീഷ് സര്ക്കാരിന് പിന്തുണ പ്രഖ്യാപിച്ചിട്ടുണ്ട്.അതേസമയം സംസ്ഥാനത്ത് ബിജെപി ഇന്ന് വഞ്ചനാദിനം ആചരിക്കുകയാണ്. ജനവിധിയെ അട്ടിമറിച്ച് നിതീഷ് കുമാര് വഞ്ചിച്ചെന്ന ആക്ഷേപവുമായി ജില്ലാതലങ്ങളില് ബിജെപി പ്രതിഷേധ യോഗങ്ങള് സംഘടിപ്പിച്ചു. പ്രചാരണം താഴേ തട്ടിലെത്തിക്കാന് നാളെ ബ്ലോക്ക് തലങ്ങളിലും പ്രതിഷേധ യോഗങ്ങള് നടത്തും. മുന് കേന്ദ്രമന്ത്രി രവിശങ്കര് പ്രതിഷേധത്തില് പങ്കെടുത്തു.