കോഴിക്കോട് ക്രിസ്ത്യന് കോളേജിന് സമീപം വാഹനാപകടത്തില് രണ്ട് പേര് മരിച്ചു.
കോഴിക്കോട് ക്രിസ്ത്യന് കോളേജിന് സമീപം വാഹനാപകടത്തില് രണ്ട് പേര് മരിച്ചു. ബൈക്ക് ഓടിച്ച കല്ലായി സ്വദേശി മെഹ്ഫൂത് സുല്ത്താന്, നൂറുല് ഹാദി എന്നിവരാണ് മരിച്ചത്. ബൈക്കും ബസും കൂട്ടിയിടിച്ചാണ് അപകടമുണ്ടായത്. ഗാന്ധി റോഡില് വച്ച് വിദ്യാര്ത്ഥികള് സഞ്ചരിച്ച സ്കൂട്ടര് ബസുമായി ഇടിക്കുകയായിരുന്നു.കല്ലായി പള്ളിക്കണ്ടി മൊയ്തീന് കോയയുടെ മകനാണ് മെഹറൂഫ് സുല്ത്താന് ഒപ്പം യാത്ര ചെയ്ത നടുവട്ടം മാഹിയിലെ അര്ബന് നജ്മത്ത് മന്സില് മജ്റൂഹിന്റെ മകള് നൂറുല് ഹാദി എന്നിവരാണ് മരിച്ചത്. വെള്ളിമാടുകുന്ന് ജെഡിടി കോളേജിലെ ബി എ വിദ്യാര്ത്ഥിനിയാണ് നൂറുല് ഹാദി.
അപകടത്തിന് പിന്നാലെ കോഴിക്കോട് ബീച്ച് ആശുപത്രിയില് കൊണ്ട് പോകും വഴിയാണ് മെഹറൂഫ് മരിച്ചത്. മെഡിക്കല് കോളേജില് ചികിത്സയിലിരിക്കെയാണ് യുവതി മരിച്ചത്. ഗാന്ധി റോഡ് പാലത്തില് നിന്നും സ്കൂട്ടര് ബീച്ച് ഭാഗത്തേയ്ക്ക് പോവുകയായിരുന്നു. എതിരെ ബേപ്പൂര് – പുതിയപ്പ സിറ്റി സ്വകാര്യ ബസില് സ്കൂട്ടര് ഇടിച്ചാണ് അപകടം നടന്നത്. സ്കൂട്ടര് തെറ്റായ ദിശയില് വന്നതാണ് അപകടത്തിന് കാരണമായതെന്നാണ് ദൃക്സാക്ഷികള് പറയുന്നത്.മറ്റൊരു വാഹനാപകടത്തില് പത്തനംതിട്ടയില് പത്താം ക്ലാസ് വിദ്യാര്ത്ഥി മരിച്ചു. അങ്ങാടിക്കലിലെ ജയ്സണ് ഷീബ ദന്പതികളുടെ മകള് ജെസ്ന ജെയ്സണ് ആണ് മരിച്ചത്. സ്കൂട്ടറില് ടോറസ് ഇടിച്ചാണ് അപകടമുണ്ടായത്. അമ്മ ഷീബയ്ക്കൊപ്പം ട്യൂഷന് ക്ലാസിലേക്ക് പോകുന്പോള് ആയിരുന്നു അപകടം. റോഡിലേക്ക് തലയടിച്ച് വീണ ജെസ്നയെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.അമ്മ ഷീബ നിസാര പരിക്കുകളോടെ രക്ഷപെട്ടു. ടോറസിന്റെ അമിത വേഗം ആണ് അപകട കാരണം എന്ന് നാട്ടുകാര് പറഞ്ഞു. സംഭവത്തില് പത്തനംതിട്ട പൊലീസ് കേസ് എടുത്ത് അന്വേഷണം തുടങ്ങി.