കോണ്ഗ്രസിലെ തര്ക്കം ; താരിഖ് അന്വര് കേരളത്തിലേക്ക്
കേരളത്തിലെ കോൺഗ്രസിലെ തർക്കം പരിഹരിക്കാൻ ഹൈക്കമാൻഡ് ഇടപെടുന്നു. ഇതിൻറെ ഭാഗമായി എഐസിസി ജനറൽ സെക്രട്ടറി താരിഖ് അൻവർ അടുത്തയാഴ്ച കേരളത്തിലെത്തും. കെപിസിസി പുനസംഘടന മുഖ്യ അജണ്ടയാകും.കേരളത്തിൽ കോൺഗ്രസിൽ ഡിസിസി പുനസംഘടനയുമായി ബന്ധപ്പെട്ട് തർക്കങ്ങൾ ഉടലെടുത്തതിനിടയാണ് ഹൈക്കമാൻഡ് ഇടപെടൽ. കെപിസിസി പുനഃസംഘടനാകാര്യങ്ങളും മുതിർന്ന നേതാക്കളുമായി ചർച്ച ചെയ്യും. ഉമ്മൻ ചാണ്ടിയുമായും രമേശ് ചെന്നിത്തലയുമായും ചർച്ച നടത്തും.
ഡിസിസി അധ്യക്ഷന്മാരുടെ നിയമന തീരുമാനം ഏകകണ്ഠമായിരുന്നുവെന്ന് പ്രതികരിച്ച താരിഖ് അൻവർ കെപിസിസി നേതൃത്വത്തിന് പൂർണപിന്തുണയാണ് അറിയിച്ചത്.