കൊടകര കുഴല്പ്പണക്കേസില് ബിജെപി നേതാക്കളാരും പ്രതികളാകില്ല
ജൂലൈ 14-ന് സുരേന്ദ്രന് ഇതുമായി ബന്ധപ്പെട്ട് ഹാജരായിരുന്നു. ഒന്നര മണിക്കൂര് ചോദ്യം ചെയ്ത ശേഷം സുരേന്ദ്രനെ അന്ന് വിട്ടയക്കുകയായിരുന്നു. കവര്ച്ചക്കേസില് പരാതി നല്കിയ ധര്മരാജനും കെ സുരേന്ദ്രനും ഫോണില് സംസാരിച്ചതിന്റെ വിവരങ്ങളാണ് ചോദിച്ചറിഞ്ഞത്.
കൊടകര കുഴല്പ്പണക്കേസില് ബിജെപി നേതാക്കളാരും പ്രതികളാകില്ല. കെ സുരേന്ദ്രന് ഉള്പ്പടെയുള്ള നേതാക്കളെ സാക്ഷികളാക്കണോ എന്ന കാര്യം പിന്നീട് ആലോചിക്കും. കേസില് കുറ്റപത്രം ജൂലൈ 24-ന് സമര്പ്പിക്കാനാണ് അന്വേഷണസംഘത്തിന്റെ തീരുമാനം. ഇരിഞ്ഞാലക്കുട കോടതിക്ക് മുമ്പാകെയാണ് കുറ്റപത്രം സമര്പ്പിക്കുക. കേസില് ആകെ 22 പ്രതികളാണുള്ളത്. കുറ്റപത്രത്തില് ബിജെപി നേതാക്കളുടെ മൊഴികള് ഉള്പ്പെടുത്തും. കേസുമായി ബന്ധപ്പെട്ട് 19 ബിജെപി നേതാക്കളെയാണ് ചോദ്യം ചെയ്തത്. ഇവരില് ഒരാള് പോലും പ്രതിയാകില്ല എന്നാണ് തൃശ്ശൂര് ബ്യൂറോ റിപ്പോര്ട്ട് ചെയ്യുന്നത്.