കൊച്ചിയില് വെള്ളത്തില് മുക്കിക്കൊന്ന ഒന്നരവയസ്സുകാരിയുടെ സംസ്കാര ചടങ്ങുകള് പൂര്ത്തിയായി.
കൊച്ചി: ഹോട്ടലില്വെച്ച് മുത്തശ്ശിയുടെ ആണ്സുഹൃത്ത് വെള്ളത്തില് മുക്കിക്കൊന്ന ഒന്നരവയസ്സുകാരിയുടെ സംസ്കാര ചടങ്ങുകള് പൂര്ത്തിയായി. കറുകുറ്റി സെന്റ് ഫ്രാന്സിസ് സേവ്യര് ഫെറോന പള്ളിയില് വൈകുന്നേരം 6.15 ഓടെയായിരുന്നു സംസ്കാര ചടങ്ങുകള്. കുട്ടിയുടെ അമ്മ വിദേശത്തുനിന്ന് എത്തിയിരുന്നു. തുടര്ന്ന് മൂത്തകുട്ടിയെ മാതാവിന്റെ സംരക്ഷണത്തില് വിട്ടു.
സംഭവത്തില് കുഞ്ഞിന്റെ മുത്തശ്ശിയുടെ ആണ്സുഹൃത്തായ പള്ളുരുത്തി സ്വദേശി ജോണ് ബിനോയ് ഡിക്രൂസിനെ പോലീസ് അറസ്റ്റ് ചെയ്തിരുന്നു. കുഞ്ഞിന്റെ മുത്തശ്ശി പുറത്തുപോയ സമയത്ത് ഹോട്ടല്മുറിയില്വെച്ച് ബക്കറ്റിലെ വെള്ളത്തില് മുക്കിക്കൊന്നതായാണ് പോലീസിന്റെ കണ്ടെത്തല്. പ്രതിയെ വിശദമായി ചോദ്യംചെയ്തുവരികയാണ്.