കൃഷി നവീകരിക്കുന്നതിലാണ് സര്‍ക്കാര്‍ ശ്രദ്ധ :80 ലക്ഷം പേര്‍ക്ക് ഉടന്‍ വീട്: പ്രധാനമന്ത്രി
പ്രധാനമന്ത്രി നരേന്ദ്ര മോദി പൊതുബജറ്റിന് ശേഷം ബിജെപി പ്രവര്‍ത്തകരെ അഭിസംബോധന ചെയ്തു.80 ലക്ഷം പേര്‍ക്ക് ഉടന്‍ വീട് പണിത് നല്‍കും. അതിര്‍ത്തി ഗ്രാമങ്ങളില്‍ ഉള്ളവര്‍ക്ക് മുന്‍ഗണന നല്‍കുമെന്നും അതിര്‍ത്തിയില്‍ സ്ഥിതി ചെയ്യുന്ന സ്‌കൂളുകളില്‍ എന്‍സിസി സെന്ററുകള്‍ കൊണ്ടുവരുമെന്നും പ്രധാനമന്ത്രി പറഞ്ഞു.
ജിഡിപി യും കയറ്റുമതിയും ഇരട്ടിച്ചു. സ്വാശ്രയത്വമുള്ള ആധുനിക ഇന്ത്യ സൃഷ്ടിക്കുമെന്നും അദ്ദേഹം വ്യക്തമാക്കി.ദരിദ്രര്‍ക്കും ഇടത്തരക്കാര്‍ക്കും യുവാക്കള്‍ക്കും അടിസ്ഥാന സൗകര്യങ്ങള്‍ ലഭ്യമാക്കുന്നതിലാണ് കേന്ദ്ര ബജറ്റിന്റെ ശ്രദ്ധ. ഈ ബജറ്റ് ദരിദ്രരിലും മധ്യവര്‍ഗത്തിലും യുവാക്കളിലും ശ്രദ്ധ കേന്ദ്രീകരിക്കുകയും അവര്‍ക്ക് അടിസ്ഥാന ആവശ്യങ്ങള്‍ നല്‍കുകയും ചെയ്യുന്നു. ഇന്ത്യയോടുള്ള ലോകത്തിന്റെ മാറിയ കാഴ്ചപ്പാടില്‍, നമ്മുടെ സമ്പദ്വ്യവസ്ഥയെ ശക്തിപ്പെടുത്തിക്കൊണ്ട് രാജ്യത്തെ അതിവേഗം മുന്നോട്ട് കൊണ്ടുപോകേണ്ടത് അത്യാവശ്യമാണെന്നും പ്രധാനമന്ത്രി കൂട്ടിച്ചേര്‍ത്തു.
കൃഷിയെ നവീകരിക്കുന്നതിലാണ് സര്‍ക്കാര്‍ ശ്രദ്ധ കേന്ദ്രീകരിക്കുന്നതെന്നും പ്രധാനമന്ത്രി വെളിപ്പെടുത്തി. ജൈവകൃഷിയില്‍ ശ്രദ്ധ കേന്ദ്രീകരിച്ച് കൃഷിയെ നവീകരിക്കുന്നതിലും ബജറ്റ് ശ്രദ്ധ കേന്ദ്രീകരിച്ചു. ഇത് കൃഷി കൂടുതല്‍ ലാഭകരമാക്കും. കിസാന്‍ ഡ്രോണുകളും മറ്റ് യന്ത്രസാമഗ്രികളും കര്‍ഷകര്‍ക്ക് ന്യായമായ വിലയ്ക്ക് ലഭ്യമാക്കുമെന്നും പ്രധാനമന്ത്രി പറഞ്ഞു.അതേസമയം സാധാരണക്കാരില്‍ നിന്നുള്ള പ്രതികരണങ്ങള്‍ ബിജെപിക്ക് ജനത്തെ സേവിക്കാനുള്ള പുതിയ ദൃഢനിശ്ചയം നല്‍കിയെന്നും പ്രധാനമന്ത്രി കഴിഞ്ഞ ദിവസം പ്രതികരിച്ചിരുന്നു. ഹിമാചല്‍, ഉത്തരാഖണ്ഡ്, ജമ്മു കശ്മീര്‍, നോര്‍ത്ത് ഈസ്റ്റ് തുടങ്ങിയ പ്രദേശങ്ങള്‍ക്കായി പദ്ധതി ആരംഭിക്കുന്നത് രാജ്യത്ത് ആദ്യമായാണെന്ന് പ്രധാനമന്ത്രി പറഞ്ഞു. പദ്ധതി പര്‍വതങ്ങളില്‍ ആധുനിക ഗതാഗത സംവിധാനം നിര്‍മ്മിക്കുമെന്ന് മോദി വ്യക്തമാക്കിയിരുന്നു.