കനത്ത മഴ; പമ്പയിലും – അഴുതയിൽ ജലനിരപ്പ് ഉയരുന്നു .
എരുമേലി: ഇന്നലെ ആരംഭിച്ച കനത്ത മഴ തുടർന്നതിനിടെ പഞ്ചായത്തിലെ പ്രധാനപ്പെട്ട രണ്ട് നദികളായ പമ്പയിലും – അഴുതയിലും ജലനിരപ്പ് ക്രമാതീതമായി ഉയരുകയാണ് . പമ്പാ നദിയിൽ ജലനിരപ്പ് ഉയർന്നതിനെ തുടർന്ന് സമീപ പ്രദേശങ്ങളിൽ താമസിക്കുന്നവരുടെ കൃഷിയിടങ്ങളിലേക്ക് വെള്ളം കയറുകയാണ് . അഴുത നദിയിൽ വെള്ളം ഉയർന്നതിനെ തുടർന്ന് മൂക്കൻപെട്ടി കോസ് വെ വെള്ളത്തിൽ മുങ്ങി . നദികളുടെ തീരങ്ങളിൽ താമസിക്കുന്നവർ ജാഗ്രത പാലിക്കണമെന്നും വാർഡംഗം മറിയാമ്മ സണ്ണി പറഞ്ഞു.
