ഓടുന്ന ട്രെയിനില് രാത്രി യുവാവ് പെട്രോള് ഒഴിച്ചു തീയിട്ടു; ട്രാക്കില് 3 മൃതദേഹം: പൊള്ളലേറ്റത് 9 പേര്ക്ക്
കോഴിക്കോട് :എലത്തൂരില് ഓടുന്ന ട്രെയിനില് അക്രമി തീയിട്ടു. ആലപ്പുഴ കണ്ണൂര് എക്സിക്യൂട്ടീവ് ട്രെയിനിലാണ് അക്രമം അരങ്ങേറിയത്. തീ പൊള്ളലില് 9 പേര്ക്ക് പരിക്കേറ്റു. ഈ സംഭവത്തില് അന്വേഷണം നടക്കുന്നതിനിടെ പുലര്ച്ചെ റെയില്വേ ട്രാക്കില് നിന്ന് 3 മൃതദേഹങ്ങള് കണ്ടെത്തി. അപ്രതീക്ഷിതമായ ആക്രമണമമായിരുന്നു തിരക്ക് കുറഞ്ഞ ട്രെയിനില് നടന്നത്. ഡി വണ് കോച്ചിലെത്തിയ അക്രമി യാതൊരു പ്രകോപനവുമില്ലെയാണ് യാത്രക്കാര്ക്കുമേല് പെട്രോളൊഴിച്ച് തീ കൊളുത്തിയത്. പൊള്ളലേറ്റ് ഭയന്നവര് നിലവിളക്കുന്നതിനിടെ ഇയാള് ഓടി രക്ഷപ്പെട്ടു.രാത്രി 9.30ന് ഏലത്തൂര് സ്റ്റേഷന് വിട്ട് മുന്നോട്ട് നീങ്ങിയതോടെയാണ് ആലപ്പുഴ കണ്ണൂര് എക്സിക്യൂട്ടിവില് നടുക്കുന്ന സംഭവങ്ങളുടെ തുടക്കം. പതുക്കെ മുന്നോട്ട് നീങ്ങിയ ട്രെയിലെ ഡി2 കോച്ചില് നിന്ന് ഡി 1 കോച്ചിലേക്ക് രണ്ട് കുപ്പി പെട്രോളുമായി അക്രമി നടന്നു നീങ്ങി. തിരക്ക് കുറവായിരുന്ന കോച്ചില് പല സീറ്റുകളിലായി യാത്രക്കാരുണ്ടായിരുന്നു. എല്ലാവരുടേയും ദേഹത്തേക്ക് അക്രമി പെട്രോള് ചീറ്റിച്ചു പൊടുന്നനെ തീയിട്ടു. തീ ഉയര്ന്നപ്പോള് നിലവിളച്ച യാത്രക്കാര് ചങ്ങല വലിച്ച് ട്രെയിന് നിര്ത്തിയെങ്കിലും ഡിവണ് കോച്ച് വന്ന് നിന്നത് കോരപ്പുഴ പാലത്തിന് മുകളിലായിരുന്നു. ആര്ക്കും പുറത്തിറങ്ങാന് സാധിച്ചില്ല. അക്രമി അപ്പേഴേക്കും ഓടി മറഞ്ഞു. പതിനഞ്ചോളം പേര്ക്ക് പൊള്ളലേറ്റു. പരിഭ്രാന്തരായ യാത്രക്കാര്, ട്രെയിനിന്റെ പിന്ഭാഗത്തേക്ക് ഓടി നിര്ത്തിയ ട്രെയിന് വീണ്ടും മുന്നോട്ട് എടുത്ത് റോഡിന് സമീപം നിര്ത്തിയാണ് ആമ്പുലന്സുകളിലേക്ക് പൊള്ളലേറ്റവരെ മാറ്റിയത്.
പതിനഞ്ചോളം പേരുടെ ശരീരത്തിലേക്ക് തീ പടര്ന്നെങ്കിലും 9 പേര്ക്കാണ് സാരമായി പൊള്ളലേറ്റത്. ഇവരില് 4 പേര് തീവ്രപരിചരണ വിഭാഗത്തിലാണ്. ഗുരുതരമായി പരിക്കേറ്റ അനില്കുമാറിന് 50 % പൊള്ളലുണ്ട്. തീയിട്ടയാളെ കണ്ടെത്താന് പൊലീസ് അന്വേഷണം തുടങ്ങി. ചുവന്ന ഷര്ട്ട് ധരിച്ച് തൊപ്പിവച്ച ആളാണെന്ന് യാത്രക്കാര് മൊഴി നല്കി.കണ്ണുരിലെത്തിയ ട്രെയ്നില് ഉന്നത പൊലീസ് ഉദ്യോഗസ്ഥലും ആര്പിഎഫ് ഉദ്യോഗസ്ഥരും പരിശോധന നടത്തി. ഡിവണ് ഡി2 കോച്ചുകള് സീല് ചെയ്തു. പുലര്ച്ചെ രണ്ട് മണിയോടെ റെയില്വേ ട്രാക്കിന് സമീപം മൂന്ന് മൃതദേഹങ്ങള് കണ്ടെത്തിയെന്ന വാര്ത്തയും ഞെട്ടിച്ചുകൊണ്ട് പുറത്തുവന്നു. ട്രെയിനില് യാത്രചെയ്ത പാപ്പിനശ്ശേരി സ്വദേശി റഹ്മത്ത് സഹോദരിയുടെ മകള് സുഹറ, മട്ടന്നൂര് സ്വദേശി നൗഫിക് എന്നിവരുടെ മൃതദേഹങ്ങളാണ് കണ്ടെത്തിയത്.