എരുമേലി വടക്ക് പുതിയ സ്മാര്ട്ട് വില്ലേജ് ഓഫീസ് കെട്ടിടം ഉദ്ഘാടനം ചെയ്തു .
എരുമേലി വടക്ക് പുതിയ സ്മാര്ട്ട് വില്ലേജ് ഓഫീസ് കെട്ടിടത്തിന്റെ
ഉദ്ഘാടനം നടന്നു. മന്ത്രി ഇ. ചന്ദ്രശേഖരന്റെ അധ്യക്ഷതയില് മുഖ്യമന്ത്രി പിണറായി വിജയന് വീഡിയോ കോണ്ഫറന്സിലൂടെ ഉദ്ഘാടനം നിര്വഹിച്ചു. വില്ലേജ് ഓഫീസ് അങ്കണത്തില് നടന്ന പൊതുസമ്മേളനത്തിനത്തില് മുണ്ടക്കയം പഞ്ചായത്ത് പ്രസിഡന്റ് രേഖദാസ് അധ്യക്ഷത വഹിച്ചു. പി.സി. ജോര്ജ് എം.എല്.എ ശിലാഫലകം അനാച്ഛാദനം നിര്വഹിച്ചു. ചടങ്ങില് പട്ടയവിതരണവും അദ്ദേഹം നിര്വഹിച്ചു. കാഞ്ഞിരപ്പള്ളി തഹസില്ദാര് റോയി തോമസ് സ്വാഗതം ആശംസിച്ചു. ബ്ലോക്ക് പഞ്ചായത്ത് പ്രസിഡന്റ് അജിത രതീഷ്, ബ്ലോക്ക് പഞ്ചായത്ത് അംഗം പി.കെ. പ്രദീപ്, വാര്ഡ് അംഗം കെ.എന്.സോമരാജന്, വില്ലേജ് ഓഫിസര് പി.എസ്. സന്ധ്യ, പഞ്ചായത്ത് വൈസ് പ്രസിഡന്റ് ദിലീഷ് ദിവാകരന്, ജനപ്രതിനിധികള് തുടങ്ങിയവര് പങ്കെടുത്തു.