എരുമേലിയിൽ രാത്രി മദ്യപിച്ച് ഡ്യൂട്ടി ചെയ്ത പോലീസുകാരനെ തിരിച്ചയച്ചു.
എരുമേലി:ശബരിമല തീർത്ഥാടനുബന്ധിച്ച് എരുമേലിയിൽ ഡ്യൂട്ടിക്കെത്തിയ പോലീസുകാരൻ രാത്രിയിൽ മദ്യപിച്ചു ഡ്യൂട്ടി ചെയ്തതിനെ തുടർന്ന് ഇയാളെ തിരിച്ചയച്ചു.ഇന്നലെ രാത്രി 12 മണിയോടെ കെഎസ്ആർടിസി ജംഗ്ഷനിലായിരുന്നു സംഭവം.മദ്യപിച്ച് റോഡിൽ നിന്ന് താളം ചവിട്ടുകയായിരുന്ന പോലീസുകാരനെ നാട്ടുകാരുടെ പ്രതിഷേധത്തെ തുടർന്ന് എസ് ഐ സ്ഥലത്തെത്തിയാണ് ഇദ്ദേഹത്തെ മാറ്റിയത് . മദ്യപിച്ച് റോഡിന് നടുക്ക് ഡ്യൂട്ടി ചെയ്തിരുന്ന പോലീസുകാരനോട് വിവരമന്വേഷിച്ചെത്തിയ നാട്ടുകാരായ പൊതുപ്രവർത്തകരോട് ഒപ്പമുണ്ടായിരുന്ന പോലീസുകാർ തട്ടി കയറായും നാട്ടുകാർ പറഞ്ഞു.നിരവധി വാഹനങ്ങളും- പേട്ടതുള്ളി വരുന്ന തീത്ഥാടകരും,കൂടാതെ വൺവേ തിരിയുന്ന ജംഗ്ഷൻ കൂടിയായതിനാൽ വലിയ തിരക്കും -ഏറെ അപകട സാധ്യതയുള്ള സ്ഥലത്താണ് മദ്യപിച്ച് പോലീസുകാരൻ ഡ്യൂട്ടിക്ക് എത്തിയത്.എരുമേലി കെഎസ്ആർടിസി ജംഗ്ഷനിൽ ഡ്യൂട്ടി ചെയ്തിരുന്ന ജില്ലയിലെ തന്നെ ഒരു പോലീസ് സ്റ്റേഷനിലെ പോലീസുകാരെയാണ് തിരിച്ചയച്ചതായും എരുമേലി പോലീസും പറഞ്ഞു.