എയ്ഞ്ചൽവാലിയിൽ യൂത്ത് കെയർ നിർമ്മിച്ച വീട് കുടുംബത്തിന് കൈമാറി
കണമല: എയ്ഞ്ചൽവാലിയിൽ യൂത്ത് കെയർ പ്രവർത്തകർ ആറംഗ നിർധന കുടുംബത്തിനായി നിർമിച്ച സ്നേഹവീട് കുടുംബത്തിന് കൈമാറി.ഇന്ന് രാവിലെ 10 മണിക്ക് നടന്ന ആന്റോ ആന്റണി എംപി സമ്മേളനം ഉദ്ഘാടനം ചെയ്തു.
ഡിസിസി പ്രസിഡന്റ് നാട്ടകം സുരേഷ് താക്കോൽദാനം നിർവഹിച്ചു.സ്കൂൾ,കോളജ് വിദ്യാർഥികളായ രണ്ടുപെണ്കുട്ടികളും,സഹോദരനും മാതാപിതാക്കളും വൃദ്ധമാതാവും അടങ്ങുന്ന കുടുംബത്തിനാണ് പുതിയ വീട്.
അയൽവാസി സൗജന്യമായി നൽകിയ സ്ഥലത്ത് ഷെഡ് കെട്ടി താമസിച്ചിരുന്ന ഇവർക്ക് വർഷങ്ങളായിട്ടും ലൈഫ് പദ്ധതിയിൽ വീടു ലഭിച്ചില്ല.
ശുചിമുറി പോലും ഇല്ലാതെ ദുരിതത്തിൽ കഴിഞ്ഞ ഇവർക്ക് സൗജന്യമായി ശുചിമുറി നിർമിക്കാൻ എത്തിയ യൂത്ത് പ്രവർത്തകർ സുമനസുകളുടെ സഹായത്തോടെ വീട് നിർമിക്കുകയായിരുന്നു.
യൂത്ത് കെയർ ചെയർമാൻ ബിനു മറ്റക്കര അധ്യക്ഷത വഹിക്കും. കെപിസിസി ജനറൽ സെക്രട്ടറിമാരായ പി.എ. സലീം, എം.ജെ. ജോസഫ്, കെപിസിസി എക്സിക്യൂട്ടീവ് അംഗം ടോമി കല്ലാനി, ഷെഹിം വിലങ്ങുപാറ,
അസർ കറുകാഞ്ചേരി, ബ്ലോക്ക് പഞ്ചായത്തംഗം മാഗി ജോസഫ്, പഞ്ചായത്തംഗങ്ങളായ സുബി സണ്ണി, മാത്യു ജോസഫ്, നാസർ പനച്ചി, ജിൻസി, ജിജിമോൾ, മറിയാമ്മ, സുനിൽ ചെറിയാൻ തുടങ്ങിയവർ പങ്കെടുത്തു.