സെക്രട്ടറിയേറ്റിലേക്ക് ബി.ജെ.പി നടത്തിയ മാര്ച്ചില് നേതാവ് ബി. ഗോപാലകൃഷ്ണന് പരിക്ക്.
മന്ത്രി കെ.ടി ജലീലിന്റെ രാജി ആവശ്യപ്പെട്ട് വിവിധ രാഷ്ട്രീയ സംഘടനകളുടെ നേതൃത്വത്തില് നടന്ന പ്രതിഷേധത്തില് സംഘര്ഷം. തിരുവനന്തപുരത്ത് സെക്രട്ടറിയേറ്റിലേക്ക് ബി.ജെ.പി നടത്തിയ മാര്ച്ചിന് നേരെ പൊലീസ് ഗ്രനേഡ് പ്രയോഗിച്ചു. സംഘര്ഷത്തില് ബി.ജെ.പി നേതാവ് ബി. ഗോപാലകൃഷ്ണന് പരിക്കേറ്റു. കണ്ണിനാണ് പരിക്കേറ്റത്. ഇദ്ദേഹത്തെ ആശുപത്രിയിലേക്ക് മാറ്റി.എ.ബി.വി.പി മാര്ച്ചിലും സംഘര്ഷമുണ്ടായി. സെക്രട്ടേറിയറ്റ് വളപ്പിലേക്ക് ചാടിക്കടന്ന പ്രവര്ത്തകനെ പൊലീസ് അറസ്റ്റു ചെയ്തു. യുവമോര്ച്ച മാര്ച്ചിനുനേരെ അഞ്ചുതവണയാണ് പൊലീസ് ജലപീരങ്കി പ്രയോഗിച്ചത്. മൂന്നു തവണ ലാത്തിവീശി, കണ്ണീര്വാതകവും ഗ്രനേഡും പ്രയോഗിച്ചു. ആറു യുവമോര്ച്ച പ്രവര്ത്തകര്ക്ക് സംഘര്ഷത്തില് പരുക്കേറ്റു.