തൃശൂരില്‍ പട്ടാപ്പകല്‍ കവര്‍ച്ച: 80 പവനിലേറെ സ്വര്‍ണ്ണം കവര്‍ന്നു
തൃശൂര്‍ : കുന്നംകുളത്ത് പട്ടാപ്പകല്‍ വീട്ടില്‍ നടന്ന വന്‍ കവര്‍ച്ചയില്‍ 80 പവനിലേറെ സ്വര്‍ണ്ണം നഷ്ടപ്പെട്ടതായി വീട്ടുകാര്‍ പൊലീസില്‍ പരാതി നല്‍കി. ശാസ്ത്രജീനഗര്‍ പ്രശാന്തിയില്‍ രാജന്റെ വീട്ടിലാണ് കവര്‍ച്ച നടന്നത്. 
രാജന്റെ ഭാര്യ ദേവി രാവിലെ 10 മണിയോടെ വീടുപൂട്ടി കല്യാണത്തിന് പോയിരുന്നു. തിരിച്ച് മൂന്നരയോടെ വീട്ടില്‍ വന്നപ്പോഴാണ് അലമാരയില്‍ സൂക്ഷിച്ച വസ്ത്രങ്ങളും മറ്റ് സാധനങ്ങളും വാരിവലിച്ചിട്ട നിലയില്‍ കണ്ടത്. തുടര്‍ന്ന് നടത്തിയ പരിശോധനയിലാണ് 80 പവനോളം വരുന്ന സ്വര്‍ണം നഷ്ടപ്പെട്ടതായി അറിയുന്നത്. രണ്ട് മണിക്ക് തിരിച്ചെത്തിയപ്പോഴാണ് മോഷണം ശ്രദ്ധയില്‍ പെട്ടത്. മുകളിലത്തെ നിലയുടെ വാതില്‍ കുത്തിത്തുറന്നാണ് മോഷ്ടാവ് അകത്ത് കടന്നത്. വീട്ടുസാധനങ്ങളെല്ലാം വലിച്ചിട്ട നിലയിലാണ്. കുന്നംകുളം പൊലീസ് സ്ഥലത്തെത്തി അന്വേഷണം ആരംഭിച്ചു. വീടിന്റെ മുകളിലത്തെ നിലയിലെ വാതില്‍ തുറന്നാണ് കള്ളന്‍ അകത്ത് കയറിയതെന്ന് പൊലീസ് പറഞ്ഞു. വീട്ടുടമയായ ദേവി എല്‍ഐസി അഡ്മിനിസ്‌ട്രേറ്റീവ് ഓഫീസറാണ്. രാജന് എത്യോപ്യയിലാണ് ജോലി. കുന്നംകുളം പോലീസ് സ്ഥലത്തെത്തി അന്വേഷണം ആരംഭിച്ചു. 
