വീട്ടമ്മയുടെ വ്യാജ നഗ്നഫോട്ടോ പ്രചരിപ്പിച്ചു; സീരിയല് നടനും ഡോക്ടറും അറസ്റ്റില്…
വീട്ടമ്മയുടെ വ്യാജ നഗ്നചിത്രം ഭര്ത്താവിനും ബന്ധുക്കള്ക്കും അയച്ചുകൊടുത്ത കേസില് ഒരു ഡോക്ടറും സീരിയല് നടനും അടക്കം മൂന്ന് പേര് അറസ്റ്റില്. പിടിയിലായ ഡോക്ടര് ഈ വീട്ടമ്മയുടെ അടുത്ത ബന്ധു കൂടിയാണ്.വര്ക്കല സ്വദേശിയായ വീട്ടമ്മയുടെ മോര്ഫ് ചെയ്ത ചിത്രമാണ് പ്രതികള് പ്രചരിപ്പിച്ചത്. വീട്ടമ്മയെ നിരന്തരം ഭീഷണിപ്പെടുത്തുകയും ദാമ്പത്യജീവിതം തകര്ക്കുന്നതിനായി വ്യാജ പേരുകളില് നിന്നും കത്തുകള് അയച്ചു ശല്യം ചെയ്യുകയും ചെയ്തിരുന്നതായി പരാതിയുണ്ടായിരുന്നു.മെഡിക്കല് കോളജ് ദന്തവിഭാഗത്തില് ജോലിചെയ്യുന്ന ഡോ.സുബു, സീരിയല് നടന് ജസ്മീര് ഖാന്, മൊബൈല് കടയുടമ ശ്രീജിത്ത് എന്നിവരെയാണ് തിരുവനന്തപുരം ഫോര്ട്ട് പൊലീസ് അറസ്റ്റു ചെയ്തത്.