നാടിനെയും വീടിനെയും കണ്ണീരിലാഴ്ത്തി അവര് മടങ്ങി
കൊച്ചി: എറണാകുളം നോര്ത്ത് പറവൂര് ചെറിയപല്ലന്തുരുത്തില് പുഴയില് വീണ് മരിച്ച മൂന്ന് കുട്ടികളും നാടിനെയും വീടിനെയും കണ്ണീരിലാഴ്ത്തി . ശ്രീവേദ (10), അഭിനവ് (13), ശ്രീരാഗ് (13) എന്നിവരാണ് പുഴയില് മുങ്ങി മരിച്ചത്. ബന്ധുക്കളായ മൂന്ന് കുട്ടികളും അവധിക്കാലത്ത് ബന്ധുവീട്ടില് വിരുന്നിനെത്തിയ മൂവരും.മൂവരുടെയും മൃതദേഹം കണ്ടെടുത്തു. രണ്ട് കുട്ടികളുടെ മൃതദേഹം നേരത്തെ കണ്ടെത്തിയിരുന്നു. മുങ്ങല്വിദഗ്ധരുടെ തിരച്ചിലില് മൂന്നാമത്തെ കുട്ടിയുടെ മൃതദേഹവും കണ്ടെത്തി. പല്ലന്തുരുത്തില് മുസ്രിസ് പൈതൃക ബോട്ട് ജെട്ടിക്ക് സമീപത്താണ് കുട്ടികളെ കാണാതായത്. നാലും അഞ്ചും ക്ലാസുകളില് പഠിക്കുന്ന കുട്ടികളാണ് മരിച്ചത്. ബന്ധുവീട്ടില് താമസിക്കാനെത്തിയ കുട്ടികള് ഉച്ചയോടെ പുഴയിലേക്ക് പോവുകയായിരുന്നു. എന്നാല് ഏറെ നേരമായിട്ടും കുട്ടികള് തിരിച്ചെത്താത്തതിനെത്തുടര്ന്ന് വീട്ടുകാരും നാട്ടുകാരും അന്വേഷിച്ചപ്പോള് പുഴക്കരയില് കുട്ടികളുടെ സൈക്കിളും വസ്ത്രങ്ങളും കണ്ടെത്തി. തുടര്ന്ന് നടത്തിയ തിരച്ചിലിലാണ് രാത്രി ഏഴേമുക്കാലോടെ ആദ്യമൃതദേഹം ലഭിച്ചത്. രാത്രി 11 മണിയോടെയാണ് അവസാനത്തെ മൃതദേഹവും കണ്ടെത്തിയത്.