കിരീടം വെച്ച ചാള്സ് മൂന്നാമന് ബ്രിട്ടന്റെ പുതിയ ഭരണാധികാരി
ലണ്ടന്: ഏഴ് പതിറ്റാണ്ടിന് ശേഷം ബ്രിട്ടനിലെ ചാള്സ് മൂന്നാമന് കിരീടം വെച്ച രാജാവായി . അഞ്ച് ഘട്ടമായിട്ടായിരുന്നു കിരീടധാരണ ചടങ്ങുകള്. കാന്റര്ബറി ആര്ച്ച് ബിഷപ്പ് ജസ്റ്റിന് വെല്ബിയുടെ നേതൃത്വത്തില് വെസ്റ്റ്മിനിസ്റ്റര് ആബിയിലെ കിരീടധാരണ ചടങ്ങ് ഇന്ത്യന് സമയം ഉച്ച കഴിഞ്ഞ് 3.30 നാണ് ആരംഭിച്ചത്. പാരമ്പര്യവും പുതുമയും നിറഞ്ഞ ചടങ്ങുകളാണ് ചാള്സിന്റെ സ്ഥാനാരോഹണത്തെ വ്യത്യസ്തമാക്കിയത്. ചടങ്ങില് പങ്കെടുക്കാന് വിവിധ രാഷ്ട്രത്തലവന്മാര് എത്തിച്ചേര്ന്നു. ഇന്ത്യയെ പ്രതിനിധീകരിച്ച് ഉപരാഷട്രപതി ജഗദീപ് ധന്കറാണ് ചടങ്ങില് പങ്കെടുത്തത്. ചടങ്ങുകള് നടക്കുന്ന വെസ്റ്റ് മിനിസ്റ്റര് ആബിയില് കനത്ത സുരക്ഷയാണ് ഒരുക്കിയിരുന്നത്. 2000 പേര്ക്ക് മാത്രമാണ് പ്രവേശനം അനുവദിച്ചിരുന്നത്. എലിസബത്ത് രാജ്ഞിയുടെ മരണത്തെ തുടര്ന്ന് അവരുടെ മൂത്ത മന്നെ ചാള്സിനെ രാജാവായി ബെക്കിംങ്ഹാം കൊട്ടാരം പ്രഖ്യാപിച്ചിരുന്നു. എന്നാല് ഔദ്യോഗികമായി ചാള്സിന്റെ കിരീടധാരണം ഇതുവരെ നടന്നിരുന്നില്ല. രാജ്ഞിയുടെ മരണത്തെ തുര്ന്നുള്ള ഔദ്യോഗിക ദുഖാചരണം അവസാനിച്ചതിന് പിന്നാലെ തന്നെ കിരീടധാരണ തീയതിയും ബെക്കിങ്ഹാം കൊട്ടാരം പ്രഖ്യാപിച്ചിരുന്നു. അതിന് പ്രകാരമാണ് മെയ് 6ന് വെസ്റ്റ് മിന്സ്റ്റര് ആബെയില് കിരീട ധാരണ ചടങ്ങ് നടന്നത്.
കഴിഞ്ഞ 900 വര്ഷമായി ബ്രിട്ടീഷ് രാജാക്കന്മാരുടെ കിരീടധാരണ ചടങ്ങുകള് നടക്കുന്നത് ഇവിടെത്തന്നെയാണ്. വെസ്റ്റ് മിന്സ്റ്റര് ആബെയില് നടക്കുന്ന നാല്പതാമത്തെ കിരീടധാരണ ചടങ്ങാണ് ചാള്സിന്റേത്. 70 വര്ഷത്തിന് ശേഷമാണ് ഒരു കിരീടധാരണത്തിന് ബ്രിട്ടണ് സാക്ഷ്യം വഹിക്കുന്നത്. 1308 മുതല് കിരീടധാരണ ചടങ്ങിനായി ഉപയോഗിക്കുന്ന സിംഹാസനവും ലണ്ടന് ടവറില് സൂക്ഷിച്ചിരിക്കുന്ന കിരീടങ്ങളും ചടങ്ങിനായി വെസ്റ്റ് മിന്സ്റ്റര് ആബെയില് എത്തിക്കും. ലണ്ടന് സമയം രാവിലെ 11 മണിയോടെയാണ്, അതായത് ഇന്ത്യന് സമയം വൈകിട്ട് 3.30നാണ് വെസ്റ്റ് മിന്സ്റ്റര് ആബെയില് കിരീടധാരണ ചടങ്ങുകള് ആരംഭിച്ചത്. ഇതിന് മുന്നോടിയായി ബെക്കിംങ്ഹാം കൊട്ടാരത്തില് നിന്ന് കിംങ്സ് പ്രൊസഷന് എന്ന് വിളിക്കുന്ന ഘോഷയാത്ര ആരംഭിച്ചു. ഈ ഘോഷയാത്രയിലാണ് ചാള്സും ഭാര്യ കാമിലയും വെസ്റ്റ് മിന്സ്റ്റര് ആബെയിലേക്ക് എത്തിയത്. സൈനിക വേഷത്തിലാണ് ചാള്സ് ആബെയിലേക്ക് എത്തിയത് . പരമ്പരാഗതമായ ചടങ്ങുകളാണ് കീരീടധാരണത്തെ ശ്രദ്ധേയമാക്കുന്നത്. ബ്രീട്ടീഷ് രാജകുടുംബവുമായി ബന്ധപ്പെട്ട എല്ലാ കാര്യങ്ങളും ഔദ്യോഗികമായി അറിയപ്പെടുന്നത് ഓരോ കോഡ് ഉപയോഗിച്ചാണ്. പ്രധാനപ്പെട്ട രാജകുടുംബാംഗങ്ങള്ക്കും ഓരോ കോഡുകള് ഉണ്ട്. ഓപ്പറേഷന് ഗോള്ഡന് ഓര്ബ് എന്നാണ് കിരീട ധാരണചടങ്ങിന് നല്കിയിരിക്കുന്ന കോഡ്. 6000 ബ്രിട്ടീഷ് സൈനികരാണ് കിരീട ധാരണ ഘോഷയാത്രയില് പങ്കെടുത്തത്. കഴിഞ്ഞ 70 വര്ഷത്തിനിടയില് ലണ്ടനില് നടക്കുന്ന ഏറ്റവും വലിയ സൈനിക വിന്യാസമായി ഇത്. ഗ്രീക്ക് ഓര്ത്തഡോക്സ് സഭയുടെ പാരമ്പര്യത്തിലുള്ള സംഗീതമായിരിക്കും ഈ ചടങ്ങിന്റെ മറ്റൊരു പ്രത്യേകത. ചാള്സിന്റെ പിതാവായ അന്തരിച്ച ഫിലിപ്പ് രാജകുമാരന്റെ ഓര്മ്മയ്ക്കായാണ് ഗ്രീക്ക് ഓര്ത്തഡോക്സ് സംഗീതം ചടങ്ങിന്റെ ഭാഗമാക്കുന്നത്.