കഴുത്തില് കുരുക്ക് മുറുകിയ നിലയാണ് ജഡം കണ്ടെത്തിയത്
വയനാട്: നെന്മേനി പാടി പറമ്പിലെ സ്വകാര്യതോട്ടത്തില് കഴുത്തില് കുരുക്ക് മുറുകിയ നിലയില് ചത്ത കടുവയെ കണ്ടെത്തി. പൊന്മുടി കോട്ടയില് വളര്ത്തുമൃഗങ്ങളെ കൊന്ന കടുവയാണിതെന്ന് സംശയമുണ്ട്. വനം വകുപ്പ് സ്ഥലത്തെത്തി കടുവയുടെ ജഡം പോസ്റ്റുമോര്ട്ടത്തിനായി ബത്തേരി ഫോറസ്റ്റ് ലാബിലേക്ക് കൊണ്ടുപോയി. വെറ്റിനറി സര്ജനെത്തി നാളെ പോസ്റ്റുമോര്ട്ടം നടത്തും. ജഡത്തിന് ഒരു ദിവസത്തെ പഴക്കമുണ്ട്. പൊന്മുടി കോട്ടയില് കടുവയെ പിടികൂടാന് മൂന്ന് കൂടുകളും 8 നിരീക്ഷണ ക്യാമറകളും സ്ഥാപിച്ചിരുന്നു. കടുവ ചത്തത് എങ്ങനെയാണെന്ന് കൂടുതല് പരിശോധനകള്ക്ക് ശേഷമേ വ്യക്തമാകൂയെന്ന് വനംവകുപ്പ് അറിയിച്ചു.