എസ്ബിഐയുടെ ഇന്റര്നെറ്റ് ബാങ്കിംഗ് സേവനങ്ങള് ഇന്ന് പണിമുടക്കും.
പൊതുമേഖല ബാങ്കിംഗ് ഭീമനായ എസ്ബിഐയുടെ ഇന്റര്നെറ്റ് ബാങ്കിംഗും യോനോ ആപ്പും ഉള്പ്പടെയുള്ള ബാങ്കിങ്ങ് സേവനങ്ങള് ഇന്ന് പണിമുടക്കും. യോനോ,യോനോ ലൈറ്റ്, യോനോ ബിസിനസ്,ഐഎംപിഎസ്,യുപിഐ തുടങ്ങിയ സേവനങ്ങള് ഇന്നും നാളെയും ഉപഭോക്താക്കള്ക്ക് ലഭ്യമാകില്ല.ട്വിറ്ററിലൂടെയാണ് ഇന്റര്നെറ്റ് സേവനങ്ങള് തടസ്സപ്പെടുന്നതിനെ കുറിച്ച് ബാങ്ക് അറിയിച്ചത്. സാങ്കേതികപരമായുള്ള അറ്റകുറ്റപണികള് കാരണമാണ് സേവനങ്ങള് തടസ്സപ്പെടുന്നത്.സേവനം തടസ്സപ്പെടുന്നതില് ഖേദിക്കുന്നതായും ഉപഭോക്താക്കള് സഹകരിക്കണമെന്നും എസ്ബിഐ അഭ്യര്ത്ഥിച്ചു.എസ്ബിഐ നല്കുന്ന വിവരമനുസരിച്ച് സെപ്തംബര് നാലിനും അഞ്ചിനുമാണ് സേവനങ്ങള് തടസ്സപ്പെടുക. രാവിലെ പത്ത് മുതല് മൂന്ന് മണിക്കൂര് നേരത്തേക്ക് സേവനങ്ങള് ലഭ്യമാകില്ല.