സില്വര്ലൈന് സര്വേ തടയണമെന്ന് ആവശ്യപ്പെട്ടുള്ള ഹര്ജി സുപ്രീം കോടതി തള്ളി.
ന്യൂഡല്ഹി :സില്വര്ലൈന് സര്വേ തുടരാം. സര്വേ തടയണമെന്ന് ആവശ്യപ്പെട്ടുള്ള ഹര്ജി സുപ്രീം കോടതി തള്ളി. സാമൂഹിക ആഘാത പഠനം നടത്തുന്നതില് എന്താണു തെറ്റെന്ന് സുപ്രീം കോടതി ചോദിച്ചു. നടപടികളില് ഇടപെടാനാകില്ലെന്നാണു സുപ്രീം കോടതിയുടെ നിലപാട്.സില്വര് ലൈന് സര്വേ നടത്താന് അനുമതി നല്കിയ ഹൈക്കോടതി വിധിക്കെതിരെ ആലുവ സ്വദേശി സുനില് ജെ. അറകാലാണ് സുപ്രീംകോടതിയില് ഹര്ജി സമര്പ്പിച്ചത്. ഭൂമിയേറ്റെടുക്കല് നിയമത്തിലെ വ്യവസ്ഥകള് പാലിക്കാതെയാണ് സര്വേ നടക്കുന്നതെന്ന് ഹര്ജിക്കാരന് കോടതിയില് ഉന്നയിച്ചിരിക്കുന്നത്. ജസ്റ്റിസ് എം.ആര്. ഷാ അധ്യക്ഷനായ ബെഞ്ചാണ് ഹര്ജി പരിഗണിച്ചത്.സില്വര് ലൈന് പദ്ധതി സര്വേ നടപടികള് തടഞ്ഞ ഹൈക്കോടതി സിംഗിള് ബെഞ്ച് ഉത്തരവ് ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ച് കഴിഞ്ഞ മാസം റദ്ദാക്കിയിരുന്നു. സംസ്ഥാന സര്ക്കാര് നല്കിയ അപ്പീല് അംഗീകരിച്ചായിരുന്നു ഉത്തരവ്. ഡിപിആര് തയാറാക്കിയതിന്റെ വിശദാംശങ്ങള് അറിയിക്കണമെന്നതും ഒഴിവാക്കി. ഇതിനെതിരെയാണ് ഹര്ജിക്കാരന് സുപ്രീംകോടതിയെ സമീപിച്ചത്.