സംവിധായകന് ശ്രീകുമാര് മേനോന് അറസ്റ്റില്.
സാമ്പത്തിക തട്ടിപ്പ് കേസില് സംവിധായകന് ശ്രീകുമാര് മേനോന് അറസ്റ്റില്. ആലപ്പുഴ സൗത്ത് പൊലീസാണ് ശ്രീകുമാര് മേനോനെ അറസ്റ്റ് ചെയ്തത്. ശ്രീവത്സം ഗ്രൂപ്പ് എന്ന വ്യവസായ ഗ്രൂപ്പാണ് ഇയാള്ക്കെതിരെ പരാതി നല്കിയത്.ശ്രീവത്സം ഗ്രൂപ്പില് നിന്ന് സിനിമ നിര്മിക്കാനായി പണം വാങ്ങി തട്ടിപ്പ് നടത്തിയെന്നാണ് പരാതി. സിനിമ നിര്മിക്കാമെന്ന് പറഞ്ഞ് ഒരു കോടി രൂപയാണ് ശ്രീകുമാര് മേനോന് ഈ വ്യവസായ ഗ്രൂപ്പില് നിന്ന് വാങ്ങിയത്.എന്നാല് സിനിമ നിര്മിക്കുന്നത് സംബന്ധിച്ച് ഒരു വിവരവും പിന്നീട് ശ്രീകുമാര് മേനോനില് നിന്ന് ഉണ്ടായില്ലെന്നും പരാതിയില് പറയുന്നു.പല തവണ ബന്ധപ്പെട്ടിട്ടും കൃത്യമായി വിവരം നല്കാന് ശ്രീകുമാര് മേനോന് തയ്യാറാകാതെ വന്നതോടെയാണ് ശ്രീവത്സം ഗ്രൂപ്പ് പൊലീസില് പരാതി നല്കിയത്.ഈ കേസില് ശ്രീകുമാര് മേനോന് മുന്കൂര് ജാമ്യത്തിന് അപേക്ഷ നല്കിയിരുന്നു. എന്നാല് കോടതി ഈ അപേക്ഷ തള്ളി.ഇതേത്തുടര്ന്നാണ് അറസ്റ്റുണ്ടായത്. പൊലീസ് ഇയാളെ ചോദ്യം ചെയ്ത് വരികയാണ്. ഇന്നലെ രാത്രി പാലക്കാട്ടെ വീട്ടില് വച്ചായിരുന്നു അറസ്റ്റ്.