യുഎഇയിലും അമേരിക്കയിലും ഒമിക്രോണ് സ്ഥിരീകരിച്ചു
സൗദിക്ക് പിന്നാലെ യുഎഇയിലും അമേരിക്കയിലും കൊവിഡിന്റെ പുതിയ വകഭേദമായ ഒമിക്രോണ് സ്ഥിരീകരിച്ചു. യുഎഇയില്എത്തിയ ആഫ്രിക്കന് വനിതയിലാണ് വൈറസ് ബാധ സ്ഥിരീകരിച്ചത്. ഒമിക്രോണ് കണ്ടെത്തിയ സ്ത്രീയെ ഐസൊലേറ്റ് ചെയ്തതായും കര്ശന നിരീക്ഷണം തുടരുമെന്നും അധികൃതര് അറിയിച്ചു. ഇവരുമായി സമ്പര്ക്കം പുലര്ത്തിയവരെയും നിരീക്ഷണത്തിലാക്കി വരികയാണ്. ഏത് സാഹചര്യവും നേരിടാന് ആരോഗ്യരംഗം തയ്യാറാണെന്നും ബൂസ്റ്റര് ഡോസ് ഉള്പ്പെടെ എല്ലാവരും വാക്സിനെടുക്കണമെന്നും ആരോഗ്യ, രോഗപ്രതിരോധ മന്ത്രാലയം അറിയിച്ചു.