മയക്കുവെടി വച്ച് കൂട്ടിലാക്കിയ പുലി ചത്തു
പാലക്കാട്: കൊല്ലങ്കോട് വാഴപ്പുഴയില് കമ്പിവേലിയില് കുടുങ്ങിയ പുലിയെ മയക്കുവെടി വച്ച് കൂട്ടിലാക്കി. ഒടുവില് രക്ഷപ്പെടുത്തിയ ചത്തു. മണിക്കൂറുകള് നീണ്ട നാട്ടുകാരുടെ കാത്തിരിപ്പിനൊടുവില് വെറ്ററിനറി സര്ജന് ഡോ.ഡേവിഡ് ഏബ്രഹാമിന്റെ നേതൃത്വത്തില് മയക്കുവെടി വച്ച് വീഴ്ത്തി കൂട്ടിലാക്കുകയാണ് ചെയ്തത്.
വാഴപ്പുഴ സ്വദേശി ഉണ്ണികൃഷ്ണന്റെ പറമ്പിലാണ് ഇന്ന് രാവിലെ ഏഴ് മണിയോടെ പുലി കമ്പിവേലിയില് കുടുങ്ങിക്കിടക്കുന്നതായി കണ്ടെത്തിയത്. നാല് വയസ് പ്രായം വരുന്ന പെണ്പുലിയാണ് വേലിയില് കുടുങ്ങിയത്. തിരിച്ചിറങ്ങാന് പറ്റാത്തവിധം പുലി കമ്പിവേലിയില് കുടുങ്ങിപ്പോയിരുന്നു. ഇതിന് മുമ്പായി പുലിയെ മയക്കുവെടി വച്ച് പിടികൂടുക എന്നതായിരുന്നു പോംവഴി.
അതനുസരിച്ച് വനം വകുപ്പ് മുന്നിട്ടിറങ്ങി കാര്യങ്ങള് നടത്തുകയായിരുന്നു. ഒടുവില് പുലിയെ കൂട്ടിലാക്കി. രക്ഷപ്പെടുത്തിയ പുലിക്ക് കാര്യമായ ആരോഗ്യപ്രശ്നങ്ങളൊന്നുമുണ്ടായിട്ടില്ലെന്നാണ് വനം വകുപ്പ് അറിയിക്കുന്നത്. ഇനി അഞ്ച് മണിക്കൂര് നേരത്തെ നിരീക്ഷണത്തിലായിരിക്കും പുലി. അതിന് ശേഷം പറമ്പിക്കുളത്തേക്ക് കൊണ്ടുപോകാനാണ് തീരുമാനം. ഇതിനിടെയാണ് പുലി ചത്തത്. ഇത് സംബന്ധിച്ച് കൂടുതല് വിവരങ്ങള് ലഭ്യമായിട്ടില്ല.