പാലായില്‍ എന്‍.സി.പി മത്സരിക്കുമെന്ന് സംസ്ഥാന പ്രസിഡന്റ്.
പാലായില്‍ എന്‍.സി.പി മത്സരിക്കുമെന്ന് സംസ്ഥാന പ്രസിഡന്റ് ടി.പി പീതാംബരന്‍ മാസ്റ്റര്‍. പാലാ സീറ്റുമായി ബന്ധപ്പെട്ട് പാര്‍ട്ടിയില്‍ ഭിന്നതയില്ലെന്നും അദ്ദേഹം മാധ്യമപ്രവര്‍ത്തകരോട് പറഞ്ഞു.എന്‍.സി.പി സിറ്റിങ് സീറ്റുകളില്‍ മത്സരിക്കണമെന്നും മുന്നണിയില്‍ തുടരണമെന്നുമാണ് ശരത് പവാറിന്റെ അഭിപ്രായമെന്നും അദ്ദേഹം പറഞ്ഞു.പാലായടക്കമുള്ള സീറ്റുകളുമായി ബന്ധപ്പെട്ട് ഒരു ചര്‍ച്ചയും ഇതുവരെ നടന്നിട്ടില്ലെന്നും എല്‍.ഡി.എഫ് വിടുന്നതുമായി ബന്ധപ്പെട്ട് ആലോചനയുണ്ടായിട്ടില്ലെന്നും അദ്ദേഹം പറഞ്ഞു.