കാസര്‍കോട് ഭാര്യയെ വെടിവെച്ചു കൊന്നതിന് ശേഷം ഭര്‍ത്താവ് ജീവനൊടുക്കി.
കാസര്‍കോട് കാനത്തൂര്‍ വടക്കേക്കരയില്‍ ഭാര്യയെ വെടിവെച്ചു കൊന്നശേഷം ഭര്‍ത്താവ് ജീവനൊടുക്കി. കുടുംബവഴക്കാണ് കൊലക്ക് കാരണം എന്നാണ് പ്രാഥമിക നിഗമനം. കാനത്തൂര്‍ സ്വദേശി വിജയനും ഭാര്യ ബേബിയുമാണ് മരിച്ചത്.മലയോര കൃഷി മേഖലയായ കാനത്തൂരില്‍ ലൈസന്‍സുള്ള തോക്കുകള്‍ ആളുകള്‍ ഉപയോഗിക്കുന്നുണ്ട്. എന്നാല്‍, ലൈസന്‍സില്ലാത്ത തോക്ക് ഉപയോഗിച്ചാണ് വിജയന്‍ ഭാര്യയെ വെടിവച്ചതെന്ന് പോലിസ് പറഞ്ഞു.ഭാര്യയെ നിരന്തരമായി ഒരാള്‍ ഫോണ്‍ വിളിച്ച് ശല്യം ചെയ്തിരുന്നതായി വിജയന്‍ പോലിസില്‍ നേരത്തെ പരാതി നല്‍കിയിരുന്നു. ഇത്തരത്തിലുള്ള പ്രശ്നങ്ങള്‍ ഇരുവര്‍ക്കുമിടയില്‍ നിലനിന്നിരുന്നതായും, ഇത് ഒരു പക്ഷെ കൊലയിലേക്ക് നയിച്ചതാകാനാണ് സാധ്യതയെന്നുമാണ് പോലിസ് നല്‍കുന്ന വിവരം.
