ഐഎസ്ആര്‍ഒ ചെയര്‍മാനായി കെ.ശിവന്‍ തുടരും.
ഐഎസ്ആര്‍ഒ ചെയര്മാന് കെ.ശിവന്റെ കാലാവധി കേന്ദ്രസര്‍ക്കാര്‍ നീട്ടി കൊടുത്തു. ഒരു വര്‍ഷത്തേക്കാണ് ശിവന്റെ കാലാവധി കേന്ദ്രസര്‍ക്കാര്‍ നീട്ടി നല്‍കിയത്. ജനുവരിയില്‍ വിരമിക്കാനിരിക്കെയാണ് അദ്ദേഹത്തിന്റെ കാലാവധി നീട്ടിയത്. ഇതേതുടര്‍ന്ന് 2022 ജനുവരി 14 വരെ കെ. ശിവന്‍ ഐ എസ് ആര്‍ ഒ ചെയര്മാന് പദവിയില്‍ തുടരും.2018 ജനുവരി 10നാണ് ഐ എസ് ആര്‍ ഒ ചെയര്‍മാനായി കെ.ശിവനെ നിയമിക്കുന്നത്. എ.കെ കിരണ്‍ കുമാറില്‍ നിന്നാണ് അദ്ദേഹം ചുമതലയേറ്റെടുത്തത്. ചന്ദ്രയാന്‍2 പോലുള്ള പല നിര്‍ണായക ദൗത്യങ്ങള്‍ക്കും ഐ എസ് ആര്‍ ഒ തുടക്കം കുറിച്ചത് കെ.ശിവന്‍ ചെയര്‍മാനായിരിക്കുമ്പോഴാണ്.
കേന്ദ്ര നിയമനകാര്യ സമിതിയാണ് ശിവന്റെ കാലാവധി നീട്ടി നല്‍കാന്‍ തീരുമാനിച്ചത്. ഇസ്രോ ചെയര്മാന് കേന്ദ്രം സര്‍വ്വീസ് കാലാവധി നീട്ടി കൊടുക്കുന്നത് സമീപകാലത്ത് ഇതാദ്യമായാണ്. പ്രധാനമന്ത്രിയുടെ നേരിട്ടുള്ള നിയന്ത്രണത്തിലാണ് ബഹിരാകാശ വകുപ്പ് പ്രവര്‍ത്തിക്കുന്നത്.
