എരുമേലിയിലെ ഹൗസിംഗ് ബോർഡ് വക സ്ഥലം ഭൂരഹിതർക്ക് വിതരണം ചെയ്യണം

എരുമേലി: പ്രളയവും – ഉരുൾ പൊട്ടലും മൂലം വീടും – സ്ഥലവും നഷ്ടപ്പെട്ടവർക്ക് എരുമേലി പഞ്ചായത്തിലെ  ഹൗസിംഗ് ബോർഡ് വക സ്ഥലം ഭൂരഹിതർക്ക് വിതരണം ചെയ്യണമെന്ന് പൊതുപ്രവർത്തകനായി ലൂയിസ് ഡേവിഡ് ആവശ്യപ്പെട്ടു. 2012 ൽ കേരള ഹൗസിംഗ് ബോർഡ് സ്വകാര്യ വ്യക്തിയിൽ നിന്നും സെന്റിന്  45000 രൂപ നൽകി നേർച്ചാറയിൽ 6.75 സെന്റ് സ്ഥലം വാങ്ങിയത്. 2009 ൽ പി എ ഇർഷാദ് പഞ്ചായത്ത് പ്രസിഡന്റായിരുന്ന കാലത്ത് ഈ സ്ഥലം സ്പോർസ് സ്റ്റേഡിയം – സ്കൂൾ ,  താലൂക്ക് ആയൂർവ്വേദാശുപത്രി എന്നിവ നടപ്പാക്കുന്നതിനായി പ്രാരംഭ നടപടികൾ സ്വീകരിച്ചിരുന്നുവെങ്കിലും തുടർന്ന് വന്ന പഞ്ചായത്ത് ഇക്കാര്യത്തിൽ യാതൊരു നടപടിയും സ്വീകരിച്ചില്ലെന്നും  എരുമേലി മീഡിയ സെന്ററിൽ വച്ച് നടത്തിയ പത്രസമ്മേനത്തിൽ പറഞ്ഞു.

നിരവധി പേരുടെ വീടും – സ്ഥലവും നഷ്ടമായിട്ടും ദുരിതമനുഭവിക്കുന്നവർക്ക് സ്ഥലം  നൽകാനുള്ള നടപടികൾ സ്വീകരിക്കാൻ പഞ്ചായത്ത് തയ്യാറയില്ലെന്നും ലൂയിസ് പറഞ്ഞു.