ഉപതിരഞ്ഞെടുപ്പ്: 15 സീറ്റുകളില് എല്ഡിഎഫ് എട്ടിടത്തും, യുഡിഎഫ് ഏഴിടത്തും വിജയിച്ചു
സംസ്ഥാനത്തെ ഒമ്പത് ജില്ലകളിലെ പതിനഞ്ച് തദ്ദേശ സ്വയംഭരണ വാര്ഡുകളിലേക്കുള്ള ഉപതിരഞ്ഞെടുപ്പില് യുഡിഎഫിന് നേട്ടം.എല്ഡിഎഫിന്റെ നാല് സിറ്റിങ് സീറ്റുകളടക്കം അഞ്ചു സീറ്റുകള് യുഡിഎഫ് സ്ഥാനാര്ഥികള് പിടിച്ചെടുത്തു. എല്ഡിഎഫ് യുഡിഎഫിന്റെ മൂന്ന് സിറ്റിങ് സീറ്റുകളും പിടിച്ചു. ആകെയുള്ള 15 സീറ്റുകളില് എല്ഡിഎഫ് എട്ടിടത്തും യുഡിഎഫ് ഏഴിടത്തുമാണ് ജയിച്ചിട്ടുള്ളത്.പത്തനംതിട്ട, ആലപ്പുഴ, കോട്ടയം, എറണാകുളം, മലപ്പുറം, കോഴിക്കോട്, കണ്ണൂര് ജില്ലകളിലെ 11 ഗ്രാമ പഞ്ചായത്ത് വാര്ഡുകളിലും മലപ്പുറം ജില്ലയിലെ ഒരു ബ്ലോക്ക് പഞ്ചായത്ത് വാര്ഡിലും തിരുവനന്തപുരം, എറണാകുളം, വയനാട് ജില്ലകളിലെ മൂന്ന് മുനിസിപ്പാലിറ്റി വാര്ഡുകളിലുമാണ് ഉപതിരഞ്ഞെടുപ്പ് നടന്നത്. ബുധനാഴ്ചയായിരുന്നു വോട്ടെടുപ്പ്.